Luke 6:28 - Sümi Tiqhelimi Bible

²⁸ nongu ghusho kemi kümgha tsülo, nongu peithapüsa kemi ghenguno inikhu tsülo.

BAIBEL (BSI)

²⁸ nongu ghushokemiqo kumghatsulo, nongu peithapusakeqo ghenguno inikhulo.

Sumi Naga CL (Re-edited) Bible (BSI)

²⁸ nongu müsüini eno peitha püsa kemi kümghatsü penike inikhu lo.

Luke 6:28 Referans Kwoze

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

1 Kor. 4:12

Ningu ye nilikhi ni-u pesü aghime shi mülà acheni. Kughou ningu ghushoni keno, ningu ye kümgha tsü cheni; kughou ningu pishi-pujuni keno ningu ye tipau lo kutuuve cheni;

Rommi 12:14

Nongu pishi-puju chekemiqo kümgha tsülo; panongu kümgha tsü penike inikhuni thono ghusho kevilo.

James 3:10

Akichi lakhi lono sheqhe keu eno ghusho keu ipeghi cheni. I thiküzümi eno I chelimiqo, hi shikepu kumoe.

Luke 23:34

Jisü no pi, “I pù, panongu kipimí qhitsülo, kughengu panongu ye panongu no kiu shi ani keno ithi amoe.” Eno panongu no asaqhi no paw tiphimini kijéluve.

Luke 6:27

“Ikemu nongu ini akemiqo vilo I no piani: O ghümi kimiye lo, nongu mithi kemi lau akivi kümlà shilo,

MATTHEW 5:44

Ikemu I no nongu vilo piani, O ghümi kimiye lo eno khunoqo no nongu pishi-puju cheni keno panongu ghenguno inikhu tsülo,

Apostolmi 7:60

Tisheno pa ye qhoqhünheluve no ighamuku pi, “Ampeu, hipau xiné panoqo shou betsü kevilo.” Pa ye hi pive kethiu thive.

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

Apostolmi 14:5

Tile Jewmi ngò Jewkumomiqo no panonguw sakiphemiqo sasü kümqüve no apostolmi pama ghimeqhi püzü atu pesü veqhi nikeu shi püghüe.