Luke 6:22 - Sümi Tiqhelimi Bible

²² Kughou Timi Nu ghenguno timi no nongu mithi, nongu leve, nongu thaigha eno küsakügha kepi nongu jeku nike no, nongu kümghae.

BAIBEL (BSI)

²² “Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

Sumi Naga CL (Re-edited) Bible (BSI)

²² “Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Luke 6:22 Referans Kwoze

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

1 Peter 3:14

Ikemu tsalá nongu no kiu no achipiu keno tipau ghenguno imeve kepu shi aghimu, nongu ye akümghapu ke. “Panongu no kichiqhi keqo lo msà kevilo; nongu shikümsave pe kevilo.”

John 16:2

Panongu no synagog lono nongu hapheve nani; kuchou lo ye kughou timi khuno no nongu heqhi pithini keno panongu ye Alhou lau hukuthu kümlagho shi ani küghashi kümsüveni keu do cheni.

John 7:7

Ayeghiqha ye nongu mithi müla nani, ikemu I no ayeghiqha kümlàqo ye küsakügha kepi ashepe shitsü keu ghenguno ayeghiqha no I mithi cheni.

John 12:42

Tishi namu tipau lo timi kutomo eno sakiphemiqo dolo ghí pa shou pülüluve. Ikemu panongu ye Phariseemiqo no panongu pesü synagog lono hapheve nikeu kümsà lau no panongu ye pekiphe shi panongu küpülü shuphemoe;

Apostolmi 24:5

“Ningu no phulu keu no timi hipau ye aküpüna shikichemi, ayeghiqha kümtsü lo Jewmiqo dolo heküpüsa xukutho chekemi lakhi ke. Pa ye Nazarene mqo gholo atou sakipheu ke

Apostolmi 9:16

I je ghenguno pa ye khijehi ime moayesa keno I no pa pìye nani.”

John 17:14

I no O tsa pesü panongu tsüvae eno ayeghilomi no panongu mithi ke, kughengu I no ayeghi laumi kumo ketoi panongu ghí ayeghi laumi kumovae.

Luke 21:17

I ghenguno timi kümtsü no nongu mithi nani.

MATTHEW 10:39

Khuno no pano küxü phuluni keno pühave nani, eno khunoqo no I ghenguno pano küxü tsüveni keno xaluve nani.

Apostolmi 22:22

Paul no hi pi ake kutólo timiqo ye pa tsa ini ae. Tisheno panongu no ighamuku kuloghu no pi, “Pa heqhipithíve lo! Pa ye xü apeni keu àküzǘ kumoe!”

John 9:34

Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

Luke 20:15

Ikehu panongu no atsailu lono khalau pa sünhepheve püzü pa heqhipithíve. “Tishiaye atsailu mpeu ye panongu shou kiu shive nani kea?

MATTHEW 10:18

I je ghenguno, nongu sasü angh eno kükamiqo zülo wu nani eno panoqo ngò Jewkumomiqo lau I shepe shi nani.

Luke 6:21

Müzüthi akemi kümghae, kughengu nongu ghapiqi tsü nani: Nongu khunoqo no itehi qa ani keno akümghae; kughengu nongu ye nulu nani ke.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.