Luke 4:41 - Sümi Tiqhelimi Bible

⁴¹ Tinguno alau tüghaküsaqo no timi kutomo phi lono ipeghino ishi igha, “No ye Alhou Nu hu ke!” Ikemu pa no panongu lomipi eno panongu pelo atsa pipemo, kughengu panongu ye Jisü ye Messiah kepi ithi ake.

BAIBEL (BSI)

⁴¹ Tughami ghi timi kutomo launo ipeghino ighae, “Noye Alhou Nu ke.” Ikemu Jisu no panongu lomi pi eno panongu pelo atsa pipemo, kughengu tughamino paye Mesiya kepi ithiakehu.

Sumi Naga CL (Re-edited) Bible (BSI)

⁴¹ Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.

Luke 4:41 Referans Kwoze

Mark 1:34

eno aküsǜ jeli kütüta lono sǜ akemiqo kutomo Jisü no shipivi tsüe. Pa ye tüghaküsaqo ghí kutomo haphe ke, ikemu pa ye tüghaküsaqo pelo kiumu pipemoe kughengu panongu ye pa khuu keno ithi ake.

James 2:19

Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

Mark 3:11

Kughou mithekumo ghunguqo no Jisü ithulu keno, panongu no pa gizülo ikiqive no, “No ye Alhou Nue,” ipi ighamuku.

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

MATTHEW 26:63

Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

MATTHEW 8:29

Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”

Mark 1:25

“Inaqhoivelo eno pa lau no ipeghivelo!” ipi Jisü no müghachhoi alòmi pi.

MATTHEW 8:4

Tisheno Jisü no pa vilo pi, “No ye timi khuu vilomu pi kevilo. Ikemu achinemiqo lau kimichikütsü shi wu no panongu pìyelo eno Moses no azah tsüpüa keu toi akümlagho pesü mülá lo.”

MATTHEW 8:16

Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü.

Mark 1:32

Tipani avelau shive kelo timiqo no küsükinimi eno tüghaküsa no tsüghape akemiqo kümtsü sasü Jisü lau ighi.

Luke 4:39

Ike pa no li phivilo itsaqi no aghakimki lomipi eno aghakimiki no li qhive no wuve. Li no paikhavi ithughive no achuqupu kutò pe panongu tsüe.