Luke 4:34 - Sümi Tiqhelimi Bible

³⁴ “Wuvelo! Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani—no ye Alhou’w Akimtheu hu ke!”

BAIBEL (BSI)

³⁴ “O Nazaret no ghami Jisu, noye ni pelo kishive peniye kya? Noye ningu kutsanike ighi ani kesha? No khuu keno ino ithi ani, noye Alhouw Akimtheu Lakhi ke.”

Sumi Naga CL (Re-edited) Bible (BSI)

³⁴ “O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

Luke 4:34 Referans Kwoze

James 2:19

Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

Mark 1:24

“Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani, no ye Alhou’w Akimtheu hu ke!”

MATTHEW 8:29

Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”

Apostolmi 3:14

Nongu no Akimtheu eno Amikuchou milive no timi hekiqhiu nongu lau kuqhophe tsülo pi khuke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Luke 4:41

Tinguno alau tüghaküsaqo no timi kutomo phi lono ipeghino ishi igha, “No ye Alhou Nu hu ke!” Ikemu pa no panongu lomipi eno panongu pelo atsa pipemo, kughengu panongu ye Jisü ye Messiah kepi ithi ake.

Luke 1:35

Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

Apostolmi 16:39

Ikehu panongu no akipimí khuni ke ighi eno akughuki lono pama khe sasü ipeghive tisheno pama pelo mishighüna qhive no wuve tsü penike qhüiniju.

Apostolmi 4:27

Kuchou no Herod ngò Pontius Pilate pama no Jewkumomiqo ngò Israel timi hipau mishighüna lo akemiqo sasü aqoshi kusho no kuchughu püzü nono nukisheve keu Akimthe qeu Jisü mjochileke.

Apostolmi 2:27

kughengu no ye kithigha lo I kughuchope qhivemo nani, No ye ow akimtheu pelo tsümave pemo nani.

Luke 8:37

Tilehi Gerasenes sükümxa qhalo küami kümtsü no Jisü vilo panongu lau no wuvelo ipi, kughengu panongu kümtsü shishe msàve ke. Ikehu pa ye ashuka lo iku no wuve.

Luke 8:28

Kughou pa no Jisü ithulu keno, ighamuku ghi Jisü pukhuphi lo ikiqive, eno pa no asütsa kuloghi lono ishi igha ghi pi, “Shishe Akiqheu Lhou Nu Jisü, no ye I lau kiu avehupu shi ani kea? I no O qhüiniju ani, I shikighime tsü kevilo!”

Mark 5:7

Pa no asütsa kuloghi lono ishi igha ghi pi, “Shishe Akiqheu Lhou Nu Jisü, no ye I lau no kiu avehupu shi ani kea? Alhou je lono I shikighime tsü kevilo!”

Mark 1:34

eno aküsǜ jeli kütüta lono sǜ akemiqo kutomo Jisü no shipivi tsüe. Pa ye tüghaküsaqo ghí kutomo haphe ke, ikemu pa ye tüghaküsaqo pelo kiumu pipemoe kughengu panongu ye pa khuu keno ithi ake.

Luke 4:33

Synagog lo timi lakhi mithekumo ghungu tüghami hu no tsüghape ae. Pa no ighamuku vekipighi pi,