Luke 24:48 - Sümi Tiqhelimi Bible

⁴⁸ Nongu ye thime hipaqow thopimiqo ke.

BAIBEL (BSI)

⁴⁸ Nonguno hipaqo vehu thopimi shinikemiqoe.

Sumi Naga CL (Re-edited) Bible (BSI)

⁴⁸ Nongu no hipaqo vehu lo thopimi ae.

Luke 24:48 Referans Kwoze

Apostolmi 13:31

eno Galilee lono Jerusalem kutólo pa gholo kicheghüzü shi kemiqo ye atsala kutomo pa ithulu ke. Panongu ye itehi niw timi lau Jisü shepemiqo shi anie.

Apostolmi 5:32

Hipaqo vehu lo ningu no thopimiqo ke, eno titoi Aghungu Kimthe ghí thopi ke—Aghungu Kimthe ye Alhou no pa ghokulumiqo tsü keu ke.”

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 10:41

Timi kümtsü no pa ithumlae, ikemu Alhou no thopimi kishe pe qhiluve keqo likhi no eno ningu khunoqo pa no akithí lono xüthuve kethiu pa gholo chu eno sho keno tipaqo no ithulu ke.

Apostolmi 10:39

“Jewmi ghakhu ngò Jerusalem lo pa no mülà keu kümtsü ninguqo no thopimi ke. Panongu no kros lo pa tshüqhi no heqhipithíve ke.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 1:22

tiye John no baptiz shikeu lono huthu no Jisü ningu lau no saikuve ke kutólo. Hipaqo gholo milakhi ye ningu gholo shi no Jisü no xülethuve keu thopimi lakhi shi moayesae.”

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

Apostolmi 4:33

Apostolmiqo no aküka kumto lono tamo no Ampeu Jisü xülethughive keu shepe shi. Eno Alhou’w küpükini no ighono akumto shi panongu kümtsü gholo akümlà shikeu

John 15:27

Eno nongu ghí I shepe shi moayesa nani, kughengu nongu ye abothu lono I gholo ake.”

Apostolmi 22:15

Nono ithulu eno chilu keu pesü no timi kümtsü lau paw thopi shitsü nani.