Luke 23:5 - Sümi Tiqhelimi Bible

⁵ Ikemu panongu no pikichichi auve eno pi, “Pa no kütsü keu lono Judea qha kümtsü lo timiqo xukutho ani. Pa ye Galilee lono huthu püzü itehi ye hi kutólo ghí ighivae.”

BAIBEL (BSI)

⁵ Ikemu panonguno puzuu nguno alau shi tsatsai pi “Pa kukutsu pesu timiqo dolo kuqhu kidimokeu huthutsu anie! Galil lo pano huthu eno Judia kumtsu lo wue eno itehiye hilehi ghi ighi anie.”

Sumi Naga CL (Re-edited) Bible (BSI)

⁵ Ikemu panongu no tsüikhomo pi, “Pa no Galilee lono Judea kümtsü eno hi kutolo timiqo xukutho kütsü ani.”

Luke 23:5 Referans Kwoze

John 2:11

Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

John 1:43

Tishiwo thoghiu Jisü ye Galilee lo wuni keu shive. Philip ithulu no Jisü no pa vilo pi, “I papelo.”

Mark 1:14

John pesü akughuki lo sǘve kethiu Jisü no Galilee lo ilo eno Alhou tsakiviu pesü asheshue.

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Apostolmi 23:10

Alau shi müghachhoi kütsala kithe auve kehu zatsüu ye panongu no Paul süthapiniyive nosa keu msàve. Ikehu pa no ghüshimiqo vilo iqi no angukamu sǘ no panongu lau no Paul sasü ghüshimi kungoki lo saighive lo pi azah tsü.

Apostolmi 10:37

Nongu ye Judea bocho lo kiu shive keno ithi ani, tiye John no Galilee lo baptiz ghili kütsü keu lono huthuke.

Apostolmi 7:57

Hipau chilu kelo panongu no panoqo kìní kujukhaluve no asütsa kuloghi lono igha ghi Stephen küdau kuhasü ighi,

Apostolmi 7:54

Kughou Jewmi Hoho lo kihimpemiqo no Stephen no pikeu chilu keno, panongu ye pa shou muqhumüzai eno ahu tsüghü-bubu shike.

Apostolmi 5:33

Kughou panongu no hi chilu keno, panongu ye muqhumüzaive eno panongu heqhipithíve niye shive.

John 19:15

Ikemu panongu no ighamuku pi, “Pa sasü wuvelo! Pa sasü wuvelo! Pa yedavelo!” Pilate no iniju, “Ni ye nongu kükau yedaveni keshea?” Achinetomiqo no khochile, “Ningu ye Caesar kumo aye akükau kütami kühae.”

John 7:52

Panongu no khochile, “No ghí Galileemi keshea? Hilehi jusü julo, eno tungkupu lakhi ye Galilee lono ipeghi chemo kepi nono phulu nani.”

John 7:41

Kütamiqo no pi, “Pa ye Messiah hu ke.” Tishimu timi kütamiqo no ishi iniju, “Kíshi no Messiah ye Galilee lono ighini kea?”

Luke 23:23

Ikemu panongu no ighamuku pikichichi pa yedave penike khuauve, eno panongu ghügha no ghüsüve.

Luke 11:53

Jisü no khalau ipeve kelo Phariseemi eno ayeza kükütsümiqo no ayiküsa shi pa ghochile thuve eno pa süholuve no avehu kutomo pa vilo iniju thuve,

MATTHEW 27:24

Kughou timiqo no muqhumüza thuve niye auve eno Pilate ye kiumu shimlava ipi ithive keno, pa no aqokitikhi zülo no azü pesü pa u mütsüve eno ishi pi, “Timi hipau pìthíve akeu lo I kipimí kiumu kühae, hiye nongu makho ke.”

MATTHEW 2:1

Herod no akükau shi ake ghuloki lo, Judea ghakhu lo Bethlehem lono Jisü punúve kethiu, kipelau no alokütsümiqo Jerusalem lo ighino

MATTHEW 11:1

Jisü no pa khopemi chighikini vilo akivishi piputove kethiu, pa ye tile no Galilee lo mishiphuqo lo kütsü eno shika niye wuve.

Luke 23:6

Hi chilu kelo, Pilate no timi hipau ye Galileemi keshea ipi iniju.