Luke 23:25 - Sümi Tiqhelimi Bible

²⁵ Eno panongu no khu ake toi, timi khuu alhoküsa xukutho eno timi pìthíve keu ghenguno akughuki lo akeno pa no kuqhopheve, eno Jisü pesü panongu pulou shive penike ikhipheve tsü.

BAIBEL (BSI)

²⁵ Panonguno Baraba khuakeu hu Pilat no kuqho phepuwuve, khuu hekupusa eno ghikiqhi ghenguno akughu shiakeno, ikemu Jisu pesu timiqo pelo kiu shinishikeno shipe nike ikhiphepe tsuve.

Sumi Naga CL (Re-edited) Bible (BSI)

²⁵ Pa no timi khuu hekibide eno ghikiqhi ghenguno akughu shipüa keno, timiqo no khu ketoi pa kuqhopheve no Jisü pesü panoqo pulou shivetsü.

Luke 23:25 Referans Kwoze

Apostolmi 3:14

Nongu no Akimtheu eno Amikuchou milive no timi hekiqhiu nongu lau kuqhophe tsülo pi khuke.

Mark 15:15

Aqokitikhi lopiqive tsü niye Pilate no Barabbas khaqhiphe pe panoqo tsüve. Tisheno, Jisü ye akighikipili pesü heqhi no yeda pìthíve penike ikhiphe pe tsüve.

John 18:40

Panongu no ighamuku khochile, “Moe, pa kumoe! Barabbas ningu tsülo!” Barabbas ye heqhi-buqhi keu kümlà shi chekemi ke.

Luke 23:5

Ikemu panongu no pikichichi auve eno pi, “Pa no kütsü keu lono Judea qha kümtsü lo timiqo xukutho ani. Pa ye Galilee lono huthu püzü itehi ye hi kutólo ghí ighivae.”

Luke 23:2

Eno panongu no akipimí pa tsü thuve püzü ishi pi, “Timi hipau no ni shiye ikhiqhive niye kidi aghí keu ningu no phulue. Asüqha jeli Caesar tsü akeu pa no mjochile ani eno pa likhi pa pesü Messiah akükau lakhi ke ipi cheni.”

MATTHEW 27:26

Tisheno panongu lau pa no Barabbas khaqhiphe pe tsüve. Ikemu Jisü ye akighikipili pesü heqhi no yeda pìthíve penike ikhiphe pe tsüve.

Luke 23:24

Ikehu Pilate ghí panongu no khu ake toi pulove tsü nikeu shi xathave.

Luke 23:26

Ghüshimi no pa sasü wuche kelo, tipau hokümxa lono ighi kemi Simon Cyrenemi khuu mishiphu lo ilo niye alà lo che keno panongu no pa tsüqüluve, eno kros pesü pa xapipe püzü pa pelo Jisü thikhau shi no xapu pe.

John 19:16

Ashekha lo Pilate no Jisü yeda pìthíve penike panongu u lo sǘvetsü. Ike ghüshimiqo no Jisü sawuve.