Luke 22:37 - Sümi Tiqhelimi Bible

³⁷ Ishi yèpüani, ‘Pa ye ayeza hekibidemiqo gholo kihisüve’; eno I no nongu vilo piakeu toi hiye I lau no shikupuve moayesae. Iyei, I ghenguno kiu yèpeqhi keno shikupuveni cheae.”

BAIBEL (BSI)

³⁷ Kughengu ino nongu vilo hi pini: Kucho yesulo, ‘Paye lhokusa kughami gholo kihisuve’ ipi puakeu hu ilauno shikupuve masavae. Kughengu khikhi ighenguno yehpe qhikeno ighini putsae.”

Sumi Naga CL (Re-edited) Bible (BSI)

³⁷ Kughengu I no nongu vilo pi anike Kuchoyesü ye I lau no shikupu masae: ‘Pa ye axinemi gholo kihisüve.’ Kughengu I ghili kiu yepüani keno, ti ye shikupu niye ani.”

Luke 22:37 Referans Kwoze

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Luke 23:32

Tisheno kütami timi kini, pama kinikujo ayeza heküxami ke, pama ghí Jisü gholo pìthíve nike ghenguno sawuve.

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

John 17:4

Ni ye nono I pichetsü keu kümlà shikupulu keu vechewo ayeghi lo ajuküvü pe O tsüke.

John 10:35

Tsalá pa no Alhou tsa süghi kemiqo vilo ‘alhouqo,’ ipi ku cheni aye—Kuchoyesü ye akou qhivemlae—

Luke 18:31

Jisü no akhopemi chighikini kütashi sawu no panongu vilo pi, “Ningu ye Jerusalem lo iqho niye anie eno tilehi no tungkupumiqo no Timi Nu vehu yèpüa keu thowkha shikupu nani.

Luke 22:22

Timi Nu ye kughupüa ketoi thive nani. Ikemu pa thechu shive keu tipau ghengu ye ahaküsapue!”

Mark 15:27

Panongu no hekibidemi kini pa gholo yeda pe qhie, tiye lakhi no pa u ajeu eno lakhi no pa u piyiu.

Luke 22:36

Jisü no panongu vilo pi, “Ikemu itehi ye tsalá nono pisabo aghí aye ti pelo eno jolabo ghí pelo; eno nono akihizüta küha aye ubephi jeve püzü lakhi qhüluve lo.

Luke 22:52

Tisheno Jisü no achinetomi, achineki khemiw hiyampemi eno kichimi khunoqo pa kügha niye ighi keno tipaqo vilo pi: “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea?

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

Mark 15:28

Eno Kuchoyesü lo ishi pipüa keu shikupuve, “Pa ye ayeza heküxami gholo kihisüve.”