Luke 22:16 - Sümi Tiqhelimi Bible

¹⁶ Kughengu I no nongu vilo pìní, Alhou kükaphu lo hipau shikupuve mphi kutólo ni ye khilemu hipau ghulhu chulumae.”

BAIBEL (BSI)

¹⁶ Kughengu ino nongu vilo pini, Alhou yehkipelo hipau kiqi kupuve mphi kutoloye niye hipau khilemu chumae.”

Sumi Naga CL (Re-edited) Bible (BSI)

¹⁶ Kughengu I no nongu vilo piani, ni ye Alhou yekipe lou no hipau kiqi kupuluve moke kutolo ti chumoae.”

Luke 22:16 Referans Kwoze

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Luke 14:15

Kughou Jisü gholo kümtsa aghulhu shi akemi lakhi no hi chilu keno pa no Jisü vilo pi, “Khuno no Alhou kükaphu ghulhu lo chuqu-kusho shi nani keno akümghapue.”

Luke 22:30

tishianguno nongu ye I kükaphu lo I gholo kümtsa chu-sho nani, eno aküka lakhü lo iqa no Israel lagha chighikini shou xakütha shi nani.

Apostolmi 10:41

Timi kümtsü no pa ithumlae, ikemu Alhou no thopimi kishe pe qhiluve keqo likhi no eno ningu khunoqo pa no akithí lono xüthuve kethiu pa gholo chu eno sho keno tipaqo no ithulu ke.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

Luke 12:37

Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Luke 22:15

Eno pa no panongu vilo pi, “I no aghime shimphi lono ni ye nongu sasü Hechekulu ghulhu hipau ighono chuni shiqhiyi ake.

Luke 22:18

Kughengu I no nongu vilo pìní, Alhou kükaphu ighimo ke kutólo ni ye atsaithi lono atsaizü ipeghi keu sholumae.”