Luke 21:34 - Sümi Tiqhelimi Bible

³⁴ “Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

BAIBEL (BSI)

³⁴ “Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

Sumi Naga CL (Re-edited) Bible (BSI)

³⁴ “Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Luke 21:34 Referans Kwoze

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Luke 12:40

Nongu ghí kutokughoi pe amasa, kughengu Timi Nu ye nongu no huqhemo keu tüqhüdo lono ighi nani ke.”

1 Kor. 6:10

küpkami na alakiminemi na shokümzümi na kütami pipütha chekemi na pishiqhi chekemi namu Alhou kükaphu ighí mülae.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

Galatiami 5:20

ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli

1 Kor. 5:11

Ikemu I no nongu lau yè akeu ye khukhumu nongu thiküzümi momu nongu chelimi lakhi kepi pükha püzü kipito kimthe kumo kümlà shi momu alakimine shi, ajulho mülá momu timi pipüsa, shomzü momu pishikiqhi ishi kemi gholo nongu pelo kuloji pemo niye hipau yè anike. Hikithipu timi sasü ye kümtsa ghí chu-sho kevilo.

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

Luke 21:8

Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

Luke 17:3

Tighenguno O likhi O jukuto lo! “Tsalá nongu thiküzümi momu nongu chelimiqo no nongu lau akipimí shive aye panongu lomipi lo; eno tsalá panongu no amlo pebide aye panongu kipimí qhitsülo.

Luke 10:41

“Martha, Martha,” ipi Ampeu no khochile ghi pi, “No ye thime kutomo kehu amlosa eno kütakihi ani,

Luke 8:14

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Mark 13:9

“Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

Luke 21:35

Kughengu tiye khunoqo ayeghi shou xüani keno kümtsü shou ikughi nani.