Luke 18:32 - Sümi Tiqhelimi Bible

³² Pa ye Jewkumomiqo u lo phesüve nani. Panongu no pa thaigha, shikukujo eno amití pesü pa shou müsüte puku nani;

BAIBEL (BSI)

³² Paye Judakumomi ulo phesuve puzu thaigha, shikukujo eno musute pukupe nani.

Sumi Naga CL (Re-edited) Bible (BSI)

³² Pa küghape Jewkumomi u lo süve tsüno thaigha, akukujopu shi peitha, eno müsüte nani.

Luke 18:32 Referans Kwoze

Luke 23:11

Tisheno Herod ngò paw ghüshimiqo no Jisü pipüsa eno thaigha. Küthakügha michi shi chijeboboi-phi pesü pa pipe, eno panongu no Pilate lau pa kighide puwove.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Mark 14:65

Tisheno khami no pa shou müsüte puku thuve; panongu no pa nhethi khave tsü no au pesü pa he püzü ishi pi, “Tungkuptsa pilo!” Tisheno aghükhemiqo no pa sawuve püzü pa heqhi.

MATTHEW 26:67

Tisheno panongu no Jisü gi lo müsüte puku tsü eno au sükumqo pesü chishiqhi. Khami no au pesü pa gi lo ghatsü

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

Apostolmi 2:23

Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke.

John 18:35

Pilate no khochile, “Ni ye Jewmi lakhi keshea? O likhi ow timi eno achinetomiqo no O pesü I u lo sǘ tsüke. No ye hiye kiu shive kea?”

John 18:30

Panongu no khochile, “Tsalá timi hipau no ayeza heküxami shi aghimo ke aye, ningu ye pa kügha süwo O tsümoni cheke.”

John 18:22

Kughou Jisü no hi pi keno, pa phivilo akemi hiyampemiqo dolo lakhi no Jisü gi lo ghatsü. “No ye hipau gholau no achinetomiqo shou atou khochile cheni keshea?” ipi pa no iniju.

Luke 23:35

Timiqo ye puthugho pe jukutoa, eno ayekipemiqo no pa thaigha junua. Panongu no pi, “Pa ye kütami xalu ke; tsalá pa no Alhou’w Messiah, Kisheluve keu Lakhi shi aghí aye pa likhi pa xalu pelo.”

Luke 23:1

Tisheno tilehi akemi kümtsü ithu no Jisü sasü Pilate zülo wuve.

MATTHEW 27:2

Ike panongu no ayikichhe pesü Jisü tshüve, eno sawu püzü Angh Pilate u lo sǘvetsü.

John 18:28

Ikelo Jewmi sakiphemiqo no Caiaphas lau no Jisü sasü Rommiw angh kükaki lo sawu. Tishi akelo inaputho shive, eno panongu ye chine-chini lo kitiqe keu shimo nike ghenguno akükaki lo ilomove, kughengu panongu ye Hechekulu ghulhu chu niye shi ake.

Mark 15:1

Inaqhe itheno achinetomiqo gholo kichimi, ayeza kükütsümi eno Jewmi hoho lo akemiqo kümtsü küqha no aküküpütsa shie. Tisheno panongu no Jisü tshü pesü wu no Pilate lau phesüve tsü.

MATTHEW 20:19

eno pa junuqhi eno heqhi püzü yeda pìthíve penike ghenguno pa pesü Jewkumomiqo tsüve nani. Eno pa ye atsala aküthüu lo xülethuve nani!”

MATTHEW 22:6

Eno kütamiqo no pa qemiqo tsüqüluve eno panongu kijipüsa eno heqhipithíve tsü.

Luke 18:33

panongu no akighikipili pe pa heqhi eno pìthíve nani. Eno pa ye atsala aküthüu lo xülethuve nani.”

John 18:32

Hitoi shikeu ye Jisü no kiu ghola lono thive niye ani keno pipüa keu shikupu niye ke.