Luke 16:8 - Sümi Tiqhelimi Bible

⁸ “Ampeu hu no amikucho kumou püghükütsüu no amqükini kümlà shikeu ghenguno akishé tsü. Kughengu ayeghi lo timi ye aküvü lo akemi nguno alau amqükini shi pano lojimiqo sasü pekithi acheni.

BAIBEL (BSI)

⁸ Amikucho kumou peithakutsuu hipauno amqukini hitoi shikeu ghenguno pa mpiuno pa sheqheke sha? Kughengu ayeghilo kuxu likhi phukichemiye pano kumlapu saje peithani keulo akuvulo auvekemiqo nguno alau amuqukiniue.”

Sumi Naga CL (Re-edited) Bible (BSI)

⁸ Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

Luke 16:8 Referans Kwoze

1 Thes. 5:5

Nongu kümtsü aküvü nuliqo eno puchou nuliqo ke. Ningu ye putho momu àküzǘ laumi kumo ke.

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

Luke 16:10

“Khuno no ighono kitila lomu pichebekulu shini keno kutomo lo ghí pichebekulu shi nani, eno khuno no ighono kitila lomu pichebe müla nike no kutomo lo ghí pichebe müla nani.

John 12:36

Nongu gholo aküvü aphi lono aküvü pülüluve lo, tishianguno nongu pelo aküvü nuli shilu peniye ke.” Kughou pa no atsa pitave keno, Jisü ye wuve no panongu lau no ithsüve.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

Luke 16:4

Ni ye I kümlà kühave kelo timi pelo panongu ki lo I sasǘ penike ghenguno kiu shi moayesa keno ithivea.’

Luke 20:34

Jisü no khochile, “Hipau ghuloki lo timiqo ye külakupu vechewo lukile wokile acheni.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

FILIPIAMI 3:19

Pano küxü shekha ye kütsakungo keu ke, panongu kive kichhipu no panongu lhou shi acheni, eno panongu ye akukujopu pesü pano jekipi shi acheni ke. Panongu kükümsü ye hipau yeghi lo thimeqo shou kümsüpuku pe acheni.

1 Kor. 3:18

O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

Luke 18:6

Eno Ampeu no pi: “Ti achipikumou xaküthau no kiu pi akeno inilo.

MATTHEW 17:26

“Kütamiqo lau noe,” ipi Peter no khochile. Ikelo Jisü no pa vilo pi. “Tishiaye anuliqo ye tsü pemo kepue.”

MATTHEW 12:32

Khukhumu Timi Nu lachile keu tsa pikeu ye akipimí qhivetsü nani, ikemu khuu no Aghungu Kimthe pipüthani keno pa ye itehi na ighi nikeu ghuloki lo namu akipimí qhitsümo nani.

Luke 16:7

“Tipathiu pa no akiniù vilo iniju, ‘Eno no ye khije lokepu ani kea?’ “Timi hu no khochile, ‘Athì abi qhethonhe lakhi.’ “Püghükütsüu hu no pa vilo pi, ‘O jume kaku hilo, eno aqhe tache shivelo.’

Luke 20:35

Ikemu khunoqo ighi nikeu ghuloki lo ilo küzüpu shini eno akithí lono xülethuveni keno, panongu ye lukile momu wokile keu shimove nani,