Luke 15:6 - Sümi Tiqhelimi Bible

⁶ aki lo wuve cheni. Tisheno pa no pa küsàmi eno akisüghümiqo kukütsü no ishi pi cheni, ‘I gholo alovi küqhalo; Ni ye iw ambe pühave keu phuluvae.’

BAIBEL (BSI)

⁶ akilo idewono paw shompami ngo aki sughumi ku kutsu cheni. Pano panongu vilo picheni. ‘Igholo alovi kuqhalo, kughengu iwu bheri puhavekehu phuluvae’

Sumi Naga CL (Re-edited) Bible (BSI)

⁶ aki lo ighi no pa küsami ngo akisüghümi kukütsü püzü panoqo vilo pi cheni, ‘I gholo alovi küqha lo, kughengu ni ye I mbe pühave keu hu phuluvae.’

Luke 15:6 Referans Kwoze

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Luke 15:24

Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

John 15:14

Nongu no I no azah tsü keqo pape aye nongu ye iw shompamiqo ke.

John 3:29

Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

Luke 15:7

I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

1 Thes. 2:19

Kughou ningu Mpeu Jisü no ighini keno pa gizülo nongu jekipipu shini keu ghenguno ninguw lajupu, ningu lokiqi, momu ningu kütsükuqho ye kiu kea? Tiye nongu ke kumo keshea?

FILIPIAMI 4:1

Tighenguno, I thiküzümi eno I chelimi I no kimiye, kümsü eno sholu nishi chekemi shompamiqo, I lokiqi eno I kijuvilei shitsü chekeqo, hipau ghola lono Ampeu lono ithamo no puthugho lo!

FILIPIAMI 1:4

I no nongu kümtsü ghenguno inikhu ke kümtsü lo, ni ye alhokuthu alokiqi àghi inikhu cheni

Luke 1:58

Li kisüghümi eno abolomiqo no Ampeu no akümzapu li lau mülà keu chilu no panongu kümtsü li gholo alovi küqhae.

Luke 15:5

Eno kughou pa no ti phuluve nike no alokivishi pa bighi lono xapusü