John 9:4 - Sümi Tiqhelimi Bible

⁴ Atsala vüqai ake kutólo ningu ye khuu I puwu keno pa kümlàqo shiamase. Putho tsalà wochea, eno tiye khunomu akümlà shimla nani.

BAIBEL (BSI)

⁴ Atsala kua lono ninguye khuno ipuwukeno pa kumlaqo mla amasae, putho shive aye khunomu mlalu chemoe.

Sumi Naga CL (Re-edited) Bible (BSI)

⁴ Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.

John 9:4 Referans Kwoze

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

Ephesiami 5:16

adokivi ithukulu kümtsü akivishi peitha lo, kughengu itodolo ye ado lhoküsa shi anike.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

Galatiami 6:10

Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

John 17:4

Ni ye nono I pichetsü keu kümlà shikupulu keu vechewo ayeghi lo ajuküvü pe O tsüke.

Kolosiami 4:5

Alhou pülümo kemi gizülo nongu ye alokütsü shi no xü pìyelo; eno adokivi ithukulu kümtsü akivishi peitha lo.

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 10:32

ikemu Jisü no panoqo vilo pi, “I no I pù lau no akümlà kivi kutomo nongu pìyevae. Tipaqo ghenguno nongu ye atu pesü I veqhi niye ani keshea?”

John 10:37

I no I pù kümlàqo shimo ke thaqhülo I pülü kevilo.

Apostolmi 4:20

Ningu ghengu ye ningu no kiu ithulu eno chilu keno tipau ghili pimo keu shimlae.”

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 7:33

Jisü no pi, “Ni ye ado ikhonhei nongu gholo anani, eno tisheno ni ye I puwu keu lau wuve nani.

MATTHEW 20:7

Panongu no ishi khochile. “ ‘Kughengu khuu nomu ningu aqe-piqe moke.’ “Pa no panongu vilo pi, ‘Nongu ghí wulo eno I tsailu lo mülà lo.’

Mark 3:3

Jisü no au ithamlave keu vilo ishi pi, “Timi kümtsü gizülo puthugho lo.”