John 8:43 - Sümi Tiqhelimi Bible

⁴³ I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

BAIBEL (BSI)

⁴³ Nonguye kushiye ino pikeu ithikuthumla kya? Hiye kutau ghenguno kumono nonguno ino pikeu tsa ininishimoe.

Sumi Naga CL (Re-edited) Bible (BSI)

⁴³ Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

John 8:43 Referans Kwoze

John 5:43

Ni ye I pù je vechewo ighi ani, ikemu nongu no ni ikhilumo ke; tsalá khuala no pa likhi pa je lono ighi aye, nongu ye pa ikhilu nanie.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Apostolmi 7:51

“Nongu amlo kuthovi kemiqo! Nongu mlo eno kìníqo ye kili mphie. Nongu ye nongu pù-asüqo toi pülhapuju Aghungu Kimthe mjochile cheni!

John 6:60

Hipau chilu kelo pa papemiqo kutomo no ishi pi, “Hiye ighono kushokütsü kükütsü shi ani. Khuu no hi ikhikulupu kea?”

John 8:27

Panongu ye Jisü no Papù ghili pi anike ipi vethamlae.

Rommi 3:11

vethakulumi lakhimu kühae; Alhou phu chekemi lakhimu kühae.

MATTHEW 13:15

Kughengu timi hipaqo mlo ye mükamüghaivea ke; panongu kìní ye ini kushughivae, eno panongu ye pano nhethi miyiluvae. Tishimo ke aye panongu nhethi no ithuluni cheke, panongu kìní no chiluni cheke, panongu mlo lono vethaluni cheke eno xaideghi aye, I no panoqo shipivi tsüní cheke.’

John 5:25

Kuchou no I no nongu vilo pìní, ado lakhi cheni eno itehi hi ighivea, ike tiye kithimi no Alhou Nu sütsa chilu nani eno khunoqo no tipau chiluni keno xülu nani.

John 8:33

Panongu no Jisü khochile, “Ningu ye Abraham tikughukomiqo ke eno ningu ye khilemu khuu qüaxemu shiju mphie. No ye kíshi püzü ningu ye khaqhipheve nani kepi pilu nani kea?”

John 8:39

Panongu no khochile, “Abraham ye ningu papù ke.” Jisü no pi, “Tsalá nongu no Abraham nuliqo shi aghí ke aye, nongu ye Abraham no kiu shi keno tipau shini cheke.