John 7:16 - Sümi Tiqhelimi Bible

¹⁶ Jisü no khochile, “Iw shiküka ye I likhi iw kumo ke. Hiye I puwu keu lau no ighike.

BAIBEL (BSI)

¹⁶ Ike Jisu no khochile, “Ino kiu pesu kutsucheni keno tiye iwu kumoe, ikemu Alhou ipuwu puakeu launo ighikeu ke.

Sumi Naga CL (Re-edited) Bible (BSI)

¹⁶ Jisü no khochile, “I no shika akeu ye Iw kumoe, ikemu khuu I puwu keno Paw ke.

John 7:16 Referans Kwoze

John 14:24

I kimiyemo kemiqo I kükütsüqo ikhilumo nani. Nongu no chilu akeu tsa hipaqo ye I tsa kumoe; tipaqo ye I pù khuu I puwu keno paw ke.

John 14:10

Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 5:30

I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 17:14

I no O tsa pesü panongu tsüvae eno ayeghilomi no panongu mithi ke, kughengu I no ayeghi laumi kumo ketoi panongu ghí ayeghi laumi kumovae.

John 8:28

Ike Jisü no pi, “Nongu no Timi Nu pesü kros lo pepukuve kethiu no nongu no ni ye pa kepi ithi nani eno ni ye I likhi I kutoshi ye kiumu shichemo kemu Apù no kiu I shika keno ti pi cheni kepi ithi nani.

John 3:11

Kuchou no I no O vilo pìní, ningu ye nino ithi akeu pi cheni, eno ningu ye kiu ithulu keno tipau thopi shi cheni, ike tishi keghi nongu timiqo ye ningu shepe ikhilu chemoe.

John 6:44

I puwu keu Apù no sasü ighimo ke thaqhülo ye timi khumu I lau ighi mülae, eno ashekha tsalà lo I no panongu xüputhu nani.

John 3:31

Khuu kunguu no ighi keno pa ye kümtsü nguno akiqheu ke; ayeghi lono ighi keu ye ayeghilomi ke, eno ayeghilomi toi pi acheni. Kungugha lono ighi keu kümtsü nguno akiqheu ke.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.