John 6:70 - Sümi Tiqhelimi Bible

⁷⁰ Ike Jisü no khochile, “Ni ye nongu Chighikini kishelu ke kumo keshea? Ikemu nongu dolo lakhi ye tüghami ke!”

BAIBEL (BSI)

⁷⁰ Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

Sumi Naga CL (Re-edited) Bible (BSI)

⁷⁰ Jisü no panoqo khochile, “I no no chighikini kishelu kekumo? Ikeghi nongu gholo lakhi ye tüghamie.”

John 6:70 Referans Kwoze

John 13:27

Judas no asho ikhiluve kemtsa Satan no pa lolo iloghive. Ike Jisü no pa vilo pi, “Nono kiu shi niye ani keno mtazü shivelo.”

John 13:2

Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke.

John 17:12

I no panongu gholo akelo, I no panongu süsho eno nono aje I tsü keu pesü panongu sükusho shipe qhike. Kuchoyesü shikupu nike ghenguno ti lakhi pühaveni keu shi akeu kütsakungove keu kumo aye khumu pühave keu shi mphie.

John 13:18

“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’

John 6:64

Tishimu nongu dolo pülümo kemi khami ani.” Kughengu Jisü ye abothu lono khipaqo no pa pülümo eno khuu no pa thechu shi nani keno ithi ake.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

Apostolmi 1:17

Pa ye ningu gholo kihiküsümi lakhi shi no ningu gholo mülà küqha cheke.”

John 15:19

Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 13:21

Hipau pive kethiu Jisü ye alokhümüive püzü ishi asheshu, “Kuchou no I no nongu vilo pìní, nongu lakhi no I pesü thechu shive niye anie.”

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Titus 2:3

Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

Apostolmi 13:10

“No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

John 2:2

eno külakupu lo Jisü ngò pa khopemiqo ghí kusü pe püae.

John 6:67

Jisü no pano chighikini vilo iniju, “Nongu ghí wove nishi ani keshea?”

John 6:71

(Jisü ye Simon Iscariot nopu Judas khuu Chighikini dolo lakhi shi anamu, kutou pa thechu shive niye akeu ghili pi ake.)

John 20:24

Ike Chighikini dolo lakhi Thomas (Didymus ipi ghí ku chekeu), ye Jisü no ighi kelo akhopemiqo gholo küha no ake.