John 6:51 - Sümi Tiqhelimi Bible

⁵¹ Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

BAIBEL (BSI)

⁵¹ Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

Sumi Naga CL (Re-edited) Bible (BSI)

⁵¹ Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

John 6:51 Referans Kwoze

Luke 22:19

Tisheno, pa no asho ikhilu no shikimthi tsü püzü süpho pe panongu tsü ghi pi, “Hiye I phimpi nongu ghenguno tsüve keu ke. I kümsüchilelu ghi hi shichelo.”

John 6:33

Kughengu Alhou’w asho ye kungugha lono iqighi cheni eno ayeghilomi lau aküxüpu tsü chenie.”

John 3:13

Kungugha lono ighi keu Timi Nu hu kumo aye khunomu kungugha lo wuju mphie.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

IBRIMI 10:20

eno nhaqhiphi, tiye pa phimpi, vechewo ningu ghenguno akithé eno aküxü laghi khaqhi tsü keu,

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

1 Peter 2:4

Nongu no pa lau ighi. Pa ye aküxüpu Tu ke. Aküxüpu Tu ye timiqo no milive ke ikemu Alhou no pa kishelu eno pa ye Alhou ghenguno akughupu ke.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Ephesiami 5:25

Akiminoqo, Khristo no akukuhou kimiye püzü li ghenguno pa küxü tsüve keu toi nongu nipu kimiye lo.

2 Kor. 5:19

Ike tiye hike, Alhou no timiqo ghimeqhi nike ghenguno axiné kihikülai tsü keu shimo no Khristo vechewo ayeghilomi sasü külashilu ke. Eno pa no külashilu keu kükütsü sütsa pesü ningu lau pichetsüke.

John 7:38

Kuchoyesü no pikeu toi, khuno khunomu I pülü kemi ye aküxüpu zü ghoki no panongu lolo no qowu nani.”

John 3:14

Moses no küghünamokeu-a lo apighi ikhiqhe puku keu hutoi, Timi Nu ghí ikhiqhe puku moayesa nanie,

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:35

Tisheno Jisü no asheshu ghi pi, “Ni ye aküxüpu sho ke. I lau ighi kemi ye khilemu müzüthimo nani, eno I pülü kemi ye khilemu tüghüthimo nani.

John 6:41

Jisü no, “Ni ye kungugha lono iqighi keu sho ke,” ipikeu ghenguno tilehi Jewmi akeqo ye nhenheshi Jisü ghili kügha thuve.

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:48

Ni ye aküxüpu sho ke.

John 6:50

Ikemu kungugha lono iqighi keu sho hi anie, eno hipau chukulumi khumu thimo nani.

John 11:26

eno khukhumu I pülü keu vechewo xüni keno khilemu thivemo nani. No ye hipau pülü anima?”