John 5:36 - Sümi Tiqhelimi Bible

³⁶ “Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

BAIBEL (BSI)

³⁶ Ikemu Johan no thopi tsukeu nguno akiqheu ilau thopi shitsupe nikeu anie, iPuh no ipelo shikupupeniye akumla kiu itsukeno, ti khipau kumla ino shiani keno, tipaqono Apuh no ipuwu kepi thopi shi ani.

Sumi Naga CL (Re-edited) Bible (BSI)

³⁶ Ikemu I no ashepe akeu ye John shepe nguno akijeu ke. Kughengu Apu no I pelo mlakupu peniye I tsükeu, akümla khikhi I no shiani keno, tipaqo no Apu no I puwu kepi thopi shiani.

John 5:36 Referans Kwoze

John 10:25

Jisü no khochile, “I no nongu vilo pike, ikemu nongu no pülümoe. I no I pù je lono müla keqo hu no I shepe shitsü cheni,

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 2:23

Ike pa no Jerusalem lo Hechekulu ghulhu Tiqhitini lo akelo timi kutomo no pa no amichipuqo shikeu ithulu no pa shou pülübeluve.

1 John 5:9

Ningu ye timi shepe ikhilu cheni, ikemu Alhou shepe no akijeu ke kughengu tiye Alhou’w ashepe ke, tiye pa no pa Nu ghili tsü keu ke.

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 3:17

Kughengu Alhou no pa Nu puwu keu ye ayeghilomi kiléqhi penike ghenguno kumoe, ikemu pa vechewo ayeghilomi xalu peniye ke.

MATTHEW 11:4

Jisü no khochile, “John lau idechile wo püzü nongu no kiu chilu eno ithulu keno pesü pa vilo pilo:

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

John 5:32

Kütami lakhi I saphu ghi I shepe shitsü chekeu ani, eno pa no I shepe shitsü keu ye kuchou kepi I no ithi anie.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 17:4

Ni ye nono I pichetsü keu kümlà shikupulu keu vechewo ayeghi lo ajuküvü pe O tsüke.

John 11:37

Ikemu panongu khami no pi, “Pa ye anhethi kighichemi nhethi xukhove tsü püzü timi hipau pelo thive pemo kepu shimlave keshea?”

Luke 2:49

“Nokujo ye kushiye I phu cheni kea? Ni ye I pù ki lo aghí nani kepi nokujo ye mtha keshea?” ipi pa no iniju.