John 5:34 - Sümi Tiqhelimi Bible

³⁴ Ni ye timi shepe ikhilu akeu ghenguno kumoe; ikemu nongu pelo xaluve penike ghenguno pi anie.

BAIBEL (BSI)

³⁴ Timino thopi tsukeu shou niye pukhube amoe, ikemu ino hipau piakeuye nongu xalupeniye ke.

Sumi Naga CL (Re-edited) Bible (BSI)

³⁴ I no ashepe ithulu keu ye timi launo ke piamoe, ikemu nongu xalu peniye ni ye hipaqo piani.

John 5:34 Referans Kwoze

1 John 5:9

Ningu ye timi shepe ikhilu cheni, ikemu Alhou shepe no akijeu ke kughengu tiye Alhou’w ashepe ke, tiye pa no pa Nu ghili tsü keu ke.

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.

Rommi 10:1

Athiküzümi eno achelimiqo, I no I mlo lo minemighei chekeu eno Alhou lau inikhu chekeu ye Israelmiqo pelo xaluve pe nikeu ke.

Rommi 3:3

Ike panongu khami no pükhübe müla kepu shive aye kishini kea? Panongu pükhübe kümla no Alhou’w pükhübekulu shipühaluve nani keshea?

John 8:54

Jisü no khochile, “Tsalá I no I likhi I juküvü shi aye, I juküvü ye kiumu akiqi kühae. I pù khikhi nongu no nongu Lhou kepi pükha cheni keno pa no I juküvü shitsü chenie.

John 5:41

“Ni ye timiqo lau no shekiqhe ikhilu chemoe,

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

Rommi 12:21

Küsakügha pelo O theqhive pe kevilo, ikemu akivi pesü küsakügha theqhilulo.

Rommi 10:21

Ikemu Israelmiqo vehu lo Alhou no ishi pi, “Ni ye atsala kupuju I u sükho pe aghokulu kumomi eno hekibidemi kheju acheni.”

Luke 19:10

Kughengu Timi Nu ye pühave kemi phu niye eno xalu nike ighie.”

Luke 13:34

“O Jerusalem, Jerusalem, no khuu tungkupumiqo pìthíve eno O lau puwu kemiqo atu pesü veqhive keno, awuqu no li chishibo qholo atiqo vakütsü ake toi, ni ye ghuthu khijehi O nuliqo hekütsü nishiqhiyi acheni kea, ikemu nono pulomoe.

John 5:32

Kütami lakhi I saphu ghi I shepe shitsü chekeu ani, eno pa no I shepe shitsü keu ye kuchou kepi I no ithi anie.