John 4:48 - Sümi Tiqhelimi Bible

⁴⁸ Jisü no pa vilo pi, “Nongu ye amichipu ngò akümzapuqo ithulumo kelo ye khilemu pülümo nani ke.”

BAIBEL (BSI)

⁴⁸ Jisu no pa vilo ishipi, “Nonguno amchipu eno akumzapu ithumlake kutolo nonguye pulumoe.”

Sumi Naga CL (Re-edited) Bible (BSI)

⁴⁸ Jisü no pa vilo pi, “Nongu no amchipu eno akümzapu ithumla ke kutolo nongu ye pülümo nanie.”

John 4:48 Referans Kwoze

John 20:29

Tipathiu Jisü no pa vilo pi, “No ye ni ithulu keu ghenguno pülü anie, ikemu khuno no ni ithulumo namu pülüni keno panongu kümghae.”

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

1 Kor. 1:22

Jewmiqo no amichipuqo khu cheni eno Greekmiqo no alokütsü phu cheni.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

John 12:37

Jisü no panongu nhekithe lono amichipu kümlà kutomo shi kethiu ghí panongu ye pa shou pülümoe.

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Apostolmi 14:3

Ike Paul ngò Barnabas pama ye ado kushuwa tilehi ngo no Ampeu ghenguno akumto shi pia, eno pama no küpükini kükütsü tsape shikeu kimchitsü akeu shi Ampeu no pama pelo amichipu eno akümzapu kümlàqo shilu pe.

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

Apostolmi 2:43

Apostolmiqo no akümzapu eno amichipuqo kümlà kutomo shikeu kümtsü no ithulu püzü akümzaqhiyi keu no chhitoive.

John 2:18

Tipathiu Jewmiqo no Jisü khochile, “Hipaqo kümtsü shikulupu kükagha akeu kimchitsü nike ghenguno no ye kiu amichipu ningu pìyelu nani kea?”

Luke 16:31

“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”

2 Thes. 2:9

Ayeza hekibideu ye Satan no kíshi mülà cheni keno tipau ghola lono ighi nani. Pa no aküka jeli kümtsü peitha no akümzapu kümlà eno akichiqhipu kichileu michipu kutomo shipe pìye nani

Apostolmi 15:12

Tile kuho akemi kümtsü no Barnabas ngò Paul pama Alhou no pama vechewo Jewkumomiqo lau amichipu eno akümzapu mülà akeu pikeu chilu püzü iqünheive.

Apostolmi 7:36

Pa no panoqo sasü Egypt lono ipeghino Egypt yeghi lo akümzapu eno amichipu kümlàqo shike, tiye Akuhu Züghi lo ngò küghünamokeu-a lo ishi ampe lhobidi kutólo tishi ke.

Apostolmi 6:8

Tishi akelo, Stephen ye Alhou’w küpükini eno aküka no chhitoi shi püzü akümzapu eno amichipu kümlà kijè timiqo gholo mülà ae.

Apostolmi 5:12

Apostolmiqo no timiqo gholo amichipu eno akümzapu kümlàqo kutomo shie. Eno küpülümi kümtsü Solomon ki sheqho lono kumqo no kusholu ache.

Apostolmi 4:30

O qeu akimtheu Jisü je vechewo shikipivi eno akümzapu ngò amichipu kümlà shilu penike ow chhopuwo tsülo.”

Apostolmi 2:19

I no kunguu atsütsǘ lo akichiqhipu shi pìye nani eno aqhou ayeghi lo amichipu shi pìye nani, ajì ngò ami eno amichhi phoboi nani.

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

Luke 10:18

Pa no khochile, “Tsütsüpha toi atsütsǘ lono Satan ikiqi keu I no ithulue.

MATTHEW 27:42

Panongu no ishi pi, “Pa ye kütami xalu kemu pa likhi pa xalu amoe. Pa ye Israelmi kükau ke! Pa pelo itehi no kros lono iqighive pelo eno ningu no pa pülünie.

MATTHEW 16:1

Phariseemi ngò Sadduceemiqo no Jisü lau ighino pa peju ghi pa vilo kungugha lono ighi keu amichipu pìyelo ipi khu.

John 4:49

Akükau nobolomi hiyampeu no pi, “Akijeu, I nu thi mphi züu no iqighi tsülo.”