John 3:19 - Sümi Tiqhelimi Bible

¹⁹ Xakütha ye hike: Aküvü ye ayeghi lo ighivae, ikemu timiqo no aküvü kimiye nike züqhulo àküzǘ kimiye ke, kughengu panongu kümlàqo no küsakügha ke.

BAIBEL (BSI)

¹⁹ Kughakutha ye hike: ayeghiqhalo akuvu ighivae, ikemu timiqono akuvu kimiyekepuno akuzu kimiyeve, kughengu panonguno kusakugha kumla shikehue.

Sumi Naga CL (Re-edited) Bible (BSI)

¹⁹ Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

John 3:19 Referans Kwoze

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

2 Thes. 2:12

eno tishi keu vechewo kuchou pülümo no küsakügha kümlà shini keu lo alokiqishi chekemi kümtsü kiléqhive niye ke.

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

John 12:43

kughengu panongu ye Alhou no sheqhe keu nguno alau timi no sheqhe keu kimiye cheni ke.

Rommi 1:32

Panongu ye Alhou chipiumikucho yeza lo hipaqo shikeu ye pìthíve küzüpu kepi ithi anamu panongu ye tamo no hipaqo shikeu likhi kumo no khunoqo no hipaqo shi cheni keno panoqo jupe amlokiqi shi cheni.

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

2 Peter 3:3

Kümtsü nguno akhotoshi, ashekha tsalaqo lo jukünatha chekemiqo no jukünatha ghi pano likhi panow küsakügha kükümsüqo pape ghi ighi nani kepi nongu ye ithi moayesae.

John 1:4

Pa lolo aküxü ae, eno aküxü tipau no timi jeli kümtsü ghenguno aküvü hu ke.

Luke 12:47

“Aqeu khuu no ampeu pulou ithi pülaghi kutò pe khemo momu ampeu no kiu shipe nishi keno shimo keu ye shishe heqhi nani.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.

John 7:7

Ayeghiqha ye nongu mithi müla nani, ikemu I no ayeghiqha kümlàqo ye küsakügha kepi ashepe shitsü keu ghenguno ayeghiqha no I mithi cheni.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Luke 16:14

Phariseemi khunoqo no pisa kimiye cheni keno panongu no hi kümtsü chilu püzü Jisü junu ae.

John 1:5

Aküvü hu no àküzǘ lo yepüvü, eno àküzǘ ye khilemu tipau küzüphove mülae.

John 9:5

I no ayeghi lo ake dolo, ni ye ayeghilomi küvü ke.”

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 12:46

I pülü kemiqo pelo àküzǘ lo ngo pemo nike ghenguno ni ye aküvü lakhi shi püzü ayeghi lo ighivae.