John 21:15 - Sümi Tiqhelimi Bible

¹⁵ Kughou panongu no chuqhive keno, Jisü no Simon Peter vilo pi, “John nu Simon, no ye thime hipaqo nguno alau I kimiye chenima?” Simon no pi, “Iyei, Ampeu, I no O kimiye chekeu nono ithi anie.” Jisü no pi, “Iw ambetiqo lojí lo.”

BAIBEL (BSI)

¹⁵ Panonguno chuve kethiu, Jisu no Simon Pitor vilopi, “Johan nu Simon, noye hipaqo kumtsu nguno alau shi iqhu-ivu cheni ma?” “Iye, Ampeu, ino okimiyechekeu nono ithi anie” ipi pano khochile. Jisu no pa vilo pi, “Iwu bheritiqo jukide kudayilo.”

Sumi Naga CL (Re-edited) Bible (BSI)

¹⁵ Panongu no amzü vethave kethiu, Jisü no Simon Peter vilo pi, “John nu Simon, no ye hipaqo kümtsü nguno alau I qhuivü anima?” “Iyei, Ampeu, I no o kimiye keu nono ithi ani,” ipi pa no khochile. Jisü no pa vilo pi, “I mbetiqo lojilo.”

John 21:15 Referans Kwoze

Rommi 15:1

Ningu khunoqo no aküpülü lo muto ani keno miqemilei kemi no ikiqive kelo xaqhetsü moayesa ke thono nilikhi nipulou shi akepu kumoe.

1 John 4:19

Ningu ye pa no atüghishi ningu kimiye keu ghenguno kimiye cheni.

1 Peter 1:8

Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

Ephesiami 6:24

Khunoqo thivemo nikeu kikimiye pesü ningu Mpeu Jisü Khristo kimiye acheni keno panongu kümtsü lau küpükini apeniu.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

John 16:27

Moe, Apù ampi no nongu kimiye chenie kughengu nongu no I kimiye ke eno ni ye Alhou lau no ighi kepi pülü cheni ke.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

IBRIMI 4:13

Lhosüpüa keu kümtsü lakhimu Alhou zülo no küsüpüamoe. Thime kümtsü küzüvemo no lhaphe pe khuu lau ninguw kihikülai tsü moayesa keno pa nhekithe lo ani.

Luke 22:32

Ikemu Simon, O küpülü iqeve pemo nike I no O ghenguno inikhuve tsüae. Eno kughou nono ideghiveni keno O thiküzümiqo shikumtolo.”

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

Rommi 14:1

Nongu gholo aküpülü miqemilei kemi salu tsülo, eno kütsalalu kepu shi aghí namu panoqo sasü kütsala kevilo.

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

Piyeküsü 2:23

I no li nuliqo ghüza pe pìthíve nani. Tishive aye akukuhouqo kümtsü no ni ye timi mlo eno akükümsü phuju chekeu hu ke ipi ithi nani, eno I no nongu kümlà kiqi lono nongu lakhi-khi lau qesaxu tsü nani.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

John 21:12

Jisü no panongu vilo pi, “Ighino müzüvekütha chulo.” Ike akhopemiqo khumu pa vilo, “No ye khuu kea?” ipi inijuni keumu shimoe, kughengu pa ye Ampeu kepi panongu no ithi ake.

John 21:7

Jisü no kimiye chekeu khopeu hu no Peter vilo pi, “Hiye Ampeu ke!” Pa no, “Hiye Ampeu ke,” ipikeu chilu kemtsa Simon Peter no paw hekuuphi pesü pa phi küzüluve (kughengu pa ye aphì xave no ake) eno azü lo ilhe ilove.

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

1 Kor. 8:11

Tishive aye athiküzümi momu achelimi miqemilei keu hipau khuu ghenguno Khristo thive keno O kighithi vechewo shipüsavae.

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Mark 14:29

Peter no ishi shuphe, “Kümtsü no O qhive namu, ni ye O qhivemoe.”

Luke 12:32

“Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

MATTHEW 10:37

“Khuu no I nguno alau papù momu azá kimiye nike no, iw shiküzü kumoe; khuu no I nguno alau panu momu panga kimiye nike no iw shiküzü kumoe.

John 13:37

Peter no iniju, “Ampeu, ni ye kushiye itehi O pape müla nani kea? I no O ghenguno I küxü tsünie.”

John 1:42

Eno pa no Jisü lau Simon saighi. Jisü no Simon ju no pi, “No ye John nu Simon ke. No ye Cephas ipi kuniae,” (aje hipau pebide kelo ye Peter ke).

MATTHEW 26:35

Ikemu Peter no ishi piqhi, “O gholo no thive kepu shi aghí namu ni ye khilemu O milimoe.” Ikelo akhopemi kütami kümtsü titoi pikhae.

MATTHEW 26:33

Peter no khochile, “O lau kiu shi niye ani keno tipau ghenguno kümtsü no O qhive namu, ni ye khilemu tishimo nani.”

Apostolmi 20:29

I no ithi akeu ye I no wuve kethiu tüngtügha yiküsaqo no nongu dolo iloghive nani eno küpülümiqo ghüzakhave nani.