John 18:11 - Sümi Tiqhelimi Bible

¹¹ Jisü no Peter vilo azah tsü, “O kihizüta süchileve lo! Ni ye Apù no aghime jikhu I pelo sho peniye tsü keu shomoni keshea?”

BAIBEL (BSI)

¹¹ Jisu no Pitor vilo pi, “Ozuta pe asuchhilo suvelo. Niye iPuno aghime jukhu ipelo shopeniye tsukeu shomoni kesha?”

Sumi Naga CL (Re-edited) Bible (BSI)

¹¹ Jisü no Peter vilo pi, “O azütakikihi pesü asükhi lo süvelo. Ni ye Apu no I pelo shope niye tsükeu jukhu shomoni keshea?”

John 18:11 Referans Kwoze

MATTHEW 26:39

Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

MATTHEW 20:22

Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?” Panongu no khochile, “Ningu ye sholu nanie.”

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

John 15:10

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

2 Kor. 10:4

Ningu no aghünanu khipaqo pesü aghüshi cheni keno tipaqo ye ayeghilomi ghünanu kumoe. Ikemu tipaqo ye Alhou lau no ighi keu küká eno aliwo kuptu hexave kulupu küká anike.

Luke 22:42

“Apùo, nono pulo aghí aye aghime jikhu hipau I lau no pesü wuve tsülo; tishimu I pulou kumoe ikemu O pulou shitsünie.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

John 18:36

Jisü no pi, “I kükaphu ye hipau yeghiqha lau no kumoe. Tsalá tishiaghi aye, I qemiqo no Jewmi sakiphemiqo pelo I küghalu pemo nike lachileni cheke. Ikemu I kükaphu ye a-a kütau lono ke.”

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Luke 12:30

Kughengu Jewkumomi yeghiqha no thime hipaqo kümtsü phu acheni, eno nongu Papù ye nongu no hipaqo avehupu shi akeu ithi ani.