John 14:7 - Sümi Tiqhelimi Bible

⁷ Nongu no kuchou no ni ithi aghí aye, nongu ye I pù ghí ithi nani. Hinguno hilau ye nongu ye pa ithivea eno pa ithuluvae.”

BAIBEL (BSI)

⁷ Nonguno ni ithi aye nonguye iPu ghi ithi aghive nani. Hinguno hilauye nonguno pa ithiva eno nonguno pa ithuluvae.”

Sumi Naga CL (Re-edited) Bible (BSI)

⁷ Nongu no ni ithi aye I Pu ghi ithi aghini cheke. Hinguno hilauye nongu ye Pa ithivae eno Pa ithuluvae.”

John 14:7 Referans Kwoze

John 8:19

Ikelo panongu no pa vilo iniju, “O pù ye khila ani kea?” Jisü no khochile, “Nongu ye ni momu I pù mu ithi amoe. Tsalá nongu no ni ithi aghí ke aye, nongu ye I pù ghí ithini cheke.”

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

1 John 2:13

Apùnoqo, I no nongu lau yè akeu ye nongu no abothu lono khuu acheghi keno pa ithi akeu ghenguno ke. Lhothemiqo, I no nongu lau yè akeu ye nongu no küsaküghau theqhiluve keu ghenguno ke.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

John 16:3

Panongu no tipaphi kümlàqo shi nani kughengu panongu ye Apù momu ni mtha ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 6:46

Alhou lau no ighi keu likhi no kumo aye khumu Apù ithumla aphie; pa likhi no Apù ithulu püani.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.