John 13:10 - Sümi Tiqhelimi Bible

¹⁰ Jisü no khochile, “Khunoqo no azü kuchhuvea keno panongu ye apukhu likhi qhuve kepue kughengu panongu phimpi kuchopu mithe anike. Eno kümtsü ye kumo kemu nongu ye mithe ani.”

BAIBEL (BSI)

¹⁰ Tileno Jisu no pi, “Timi khuuno azukuchhuvea keno pa pukhu likhi kumoaye paye ampi kuchopu mithe ani eno kutauye qhuakepu avehu kuhae. Nongu gholo lakhi likhino kumoaye kutamiye kumtsu mithe anie.”

Sumi Naga CL (Re-edited) Bible (BSI)

¹⁰ Tile Jisü no pi, “Timi khuu no azükuchhuve akeno pa pukhu likhi kumo aye kütau ye qhoi mithe anike qhu akepu kühae. Eno no ye mithe ani, ikemu nongu kümtsü no mithe anike kumoe.”

John 13:10 Referans Kwoze

John 15:3

I no nongu vilo pive keu tsa vechewo nongu ye mitheluvae.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

James 3:2

Ningu kümtsü alaghi jeli kutomo lo shipimive cheni. Timi khuno no pano no pikeu lo khilemu shipimi chemo keno pano ye kupukülai kemi ke, pano phimpi kuchopu ghasülü cheni ke.

IBRIMI 9:10

Tipaqo ye chuqu-kusho eno chine-chini shikimthe keu jeliqo vehu likhi ke—hiye azah kithé do tomo ke kutólo ashou yezashi pepimhe akeu ke.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

MATTHEW 6:12

Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

John 13:9

Simon Peter no khochile, “Ampeu, tishiaye I pukhu likhi kumo no I u ngò I kütsü ghí qhu tsülo.”

John 13:18

“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’