John 10:10 - Sümi Tiqhelimi Bible

¹⁰ Küpkami ye püka, heqhipithí eno kütsakungo nike ghengu likhi no ighi cheni; I no ighi keu ye panongu pelo aküxü ape niye ke, eno aküxü tipau hu kupukuno shi ape niye ke.

BAIBEL (BSI)

¹⁰ Kupukamiye puka heqhi eno kutsanike ghengu likhino ighi cheni. Ino ighikeuye panongu pelo akuxu apenike eno akuxu tipau kupukunoshi apeni yeke.

Sumi Naga CL (Re-edited) Bible (BSI)

¹⁰ Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

John 10:10 Referans Kwoze

Luke 19:10

Kughengu Timi Nu ye pühave kemi phu niye eno xalu nike ighie.”

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 12:47

“Tsalá khuala no I tsaqo chilu püzü tipaqo papemo namu ni ye timi tipau shou küghathabemo nani. Kughengu ni ye ayeghiqha shou küghathani ye ighike kumoe ikemu ayeghiqha xalu niye ighike.

John 6:33

Kughengu Alhou’w asho ye kungugha lono iqighi cheni eno ayeghilomi lau aküxüpu tsü chenie.”

John 3:17

Kughengu Alhou no pa Nu puwu keu ye ayeghilomi kiléqhi penike ghenguno kumoe, ikemu pa vechewo ayeghilomi xalu peniye ke.

1 Tim. 1:15

Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

John 10:1

“Phariseemiqo! Kuchou no I no nongu vilo pìní, khukhumu ambe khagho lono ambe khaküthabo lo ilomo püzü alaghi kütau lono milisü iloghini keno, pa ye küpkami eno süxakulumi lakhi ke.

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

IBRIMI 6:17

Kughengu Alhou ye paw kilimo keu lhoaye kimiji pesü tushoqhi püakeu mheghi ighilu akemi lau mütsümishei nike ghenguno paw tushokiqhi vechewo shikumto ke.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

Rommi 2:21

Imaye, nongu kütami shika chekemiqo, nongu ye nongu likhi nongu shika chemo keshea? Nongu ye püka kevilo ipi kütsü cheni püzü nongu no püka cheni keshea?

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Mark 11:17

Eno panoqo kütsü ghi, pa no ishi pi, “Kuchoyesü lo, ‘I ki ye shiye kümtsü ghenguno akighini ki ipi ku nani,’ ipi yèpüani ke kumo keshea? Ikemu nongu no hipau pesü süxakuchumiqo küghütshü-a lakhi kughulhove tsüae.”

John 12:6

Pa no hi pikeu ye kumlhomi ghenguno alokümsü akeu ghenguno kumoe ikemu pa ye küpkami lakhi ke ghenguno ke; pa no pisabo kipeu kehu tile kiu sǘ keno pa no pa vehupu shiluve cheke.

MATTHEW 21:13

Pa no panongu vilo pi, “Kuchoyesü lo ishi yèpüanie, ‘I ki ye akighini ki ipi ku nani,’ ikemu nongu no hipau pesü, ‘süxakuchumiqo küghütshü-a lakhi kughulhove tsüae.’”

John 5:40

tishiaghimu nongu no I lau ighi püzü aküxü aluve nikeu milive ke.

John 10:11

“Ni ye ambe kheu kiviu ke. Ambe kheu kiviu ye ambeqo ghenguno pa küxü tsüve cheni.

MATTHEW 18:11

Kughengu Timi Nu ye pühave kemi phu niye eno xalu nike ighie.”