John 1:4 - Sümi Tiqhelimi Bible

⁴ Pa lolo aküxü ae, eno aküxü tipau no timi jeli kümtsü ghenguno aküvü hu ke.

BAIBEL (BSI)

⁴ Atsa huye pa lolo akuxupu ae, eno akuxupu hipauno timi lau akuvu sughitsu.

Sumi Naga CL (Re-edited) Bible (BSI)

⁴ Pa lolo aküxüpu ae, eno aküxüpu huno timiqo küvü ke.

John 1:4 Referans Kwoze

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

John 12:46

I pülü kemiqo pelo àküzǘ lo ngo pemo nike ghenguno ni ye aküvü lakhi shi püzü ayeghi lo ighivae.

John 5:26

Kughengu Apù no pa lolo aküxü akeu toi, pa no Anu ghí alolo aküxü alu pe nikeu zà tsüvae.

John 9:5

I no ayeghi lo ake dolo, ni ye ayeghilomi küvü ke.”

John 11:25

Jisü no li vilo pi, “Ni ye xülekuthuu eno aküxü ke. Khuu no I pülüni keno panongu ye thive namu xüluve nanie;

1 John 5:11

Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

Ephesiami 5:14

Hi ghenguno ishi pike: “Zü akemiqo, ithuvelo, kithimi gholo no ithughivelo, eno Khristo no nongu shou yepüvü tsü nani.”

MATTHEW 4:16

àküzǘ lo xü akemiqo no aküvü kijè lakhi ithuluvae; akithí yekükhü yeghi lo xü akemiqo shou aküvü lakhi ipeghivae.”

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

Apostolmi 26:23

Messiah ye aghime shi moayesa nani eno akithí lono xüithuve kemi dolo atüghiu shi nani, aküvü kükütsü sütsa pesü no paw timiqo eno Jewkumomiqo lau süghitsü nani.”

Luke 2:32

tiye Jewkumomi ghenguno pekiphe küvü lakhi ke, eno ow timi Israelmi ghenguno ajuküvü ke.”

1 John 1:2

Aküxü hu ipeghi ke; eno ningu no tipau ithuluve no thopi shi cheni, eno ningu no nongu lau lhokta küxü hu asheshu acheni, tiye Apù gholo ache no ningu lau ipeghi keu ke.

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

John 3:19

Xakütha ye hike: Aküvü ye ayeghi lo ighivae, ikemu timiqo no aküvü kimiye nike züqhulo àküzǘ kimiye ke, kughengu panongu kümlàqo no küsakügha ke.

1 John 1:1

Inahuu abothu lono aküxüpu Tsa khikhi acheghi, ningu no chiluvea, ningu nhethi no ithuluvea, ningu no jupukulu eno khikhi ningu u no buluvea keno hipau vehu lo ningu no asheshu ani.