John 1:16 - Sümi Tiqhelimi Bible

¹⁶ Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

BAIBEL (BSI)

¹⁶ Pawu kupukini chhitoi akeu lono pano kukumgha beghi ningu kumtsu tsuke.

Sumi Naga CL (Re-edited) Bible (BSI)

¹⁶ Paw kupukülai keu lono ningu kümtsü no küpükini shou küpükini ithuluvae.

John 1:16 Referans Kwoze

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Ephesiami 3:19

eno kikimiye hipau ye akighithi hekiye cheni kepi ithilu peniye ke—tishianguno Alhou’w kupukulu kümtsü pesü nongu pelo chhitoilu peniye ke.

Ephesiami 1:23

akukuhou ye pa phimpi ke, eno hiye Khristo khuu kupukülai luvea keno pa no alaghi jeli kümtsü lo kupukülai shepichhi tsüke.

Rommi 5:17

Kughengu tsalá, timi lakhi’w hekibide ghenguno akithí no timi kutomo shou ka cheghi aye, tinguno alau shi khunoqo no Alhou’w küpükini kupukuno shitsü keu eno achipiumikucho shikulupu kümsá ghò ithuluvea keno panongu ye hi timi lakhi Jisü Khristo vechewo panongu küxü lo khijehi axiné eno akithí shou theqhikulu shilu nani kea!

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

MATTHEW 13:12

Khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

Kolosiami 2:3

Khristo lolo alokütsü eno akighithi kinikhuki kümtsü küsüpe püani.

Rommi 8:9

Ikemu Alhou Ghungu no nongu lolo aghí aye, nongu ye timi lhoaye kükaqha lo kumo no Aghungu kükaqha lo anike. Eno timi khukhumu Khristo Ghungu küha aye, pa ye Khristo laumi kumoe.

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

MATTHEW 3:14

Ikemu John no pa lakha ghi pi, “Nono ni baptiz shitsü moayesa ani püzü, nou no I lau ighi ani keshea?”

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,