John 1:1 - Sümi Tiqhelimi Bible

¹ Abothu lono Atsa hu ye ae, eno Atsa hu ye Alhou gholo ae, eno Atsa hu ye Alhou ke.

BAIBEL (BSI)

¹ Inahu abothu lono Atsa ae, Atsa huye Alhou gholo ae; eno Atsa huye Alhou ke.

Sumi Naga CL (Re-edited) Bible (BSI)

¹ Abothu lono Atsa ae, Atsa huye Alhou gholo ae; eno Atsa huye Alhou ke.

John 1:1 Referans Kwoze

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

Piyeküsü 19:13

Pa ye chijeboboi-phi ajì lo pütsüve keu pepu ae, eno Alhou Tsa ipikeu no pa je shiae.

Kolosiami 1:17

Pa ye thowkha kümtsü züu no ache, eno thowkha kümtsü pa gholo no tsüqü kumqo pe ani.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Piyeküsü 22:13

Ni ye Alpha eno Omega ke, Atüghiu eno Ashekhau, Hukuthuu eno Kishekhau ke.

John 1:2

Pa ye Alhou gholo abothu lono ae.

Piyeküsü 1:8

“Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

FILIPIAMI 2:6

Pa ye Alhou lhoaye qhemi lo anamu pa pesü Alhou qhemi lo amasa kepi kümsümoe;

MATTHEW 1:23

“Ilimi hu no mishiluve nani eno anu lakhi punú nani, eno panongu no pa vilo Immanuel ipi ku nani” (tipau kiqi ye “Alhou ningu gholo ani”).

Piyeküsü 21:6

Pa no I vilo pi: “Hi kümtsü tavae. Ni ye Alpha eno Omega, Hukuthuu eno Kishekhau ke. Tüghüthi akemi lau kümsá no aküxüpu züpuki lono azü tsü nani.

IBRIMI 13:8

Jisü Khristo ye ighina, ishí eno alhokuthu lo aphiphi ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

John 16:28

Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

Piyeküsü 1:17

Kughou I no pa ithulu keno ni ye thive kemi toi pa zülo ikiqive. Ikelo pa no pa u ajeu I shou be no ishi pi: “Msà kevilo. Ni ye Abothu eno Ashekha ke.

John 20:28

Thomas no pa vilo pi, “I Mpeu eno I Lhou!”

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 7:3

Apù momu azá küha, alagha küha no, hukuthu tsalaqo momu aküxü kishekha küha no, Alhou Nu kimihi shi ghi, pa ye alhokupuju ghenguno achineu lakhi shike.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Ephesiami 3:9

eno Alhou khuu no thime kümtsü lhosü keno pa gholo wove keu tiqheliqo lo küsüpüa keu tuqhou hipau kümtsü lau mütsümishei ithikulupu shilu peniye bemakho I tsüke.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

1 John 5:7

Kughengu thopi shi chekeu küthü ani:

Rommi 9:5

Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

Piyeküsü 2:8

“Smyrna lo akukuhouw kungumi lau yèlu ani: Atsa hipaqo ye khuu no Atüghiu eno Ashekhau, khuu no thive no aküxü shiluve keno tipau tsa ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Luke 24:53

Eno panongu ye tamo no Alhou sheqhe ghi achineki lo ngove.

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

Kolosiami 1:15

Anu ye ithukümlau Lhou jukimihi ke, pa ye lhoqhipüa keu kümtsü nguno akiqheu ke.