James 3:17 - Sümi Tiqhelimi Bible

¹⁷ Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

BAIBEL (BSI)

¹⁷ Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Sumi Naga CL (Re-edited) Bible (BSI)

¹⁷ Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

James 3:17 Referans Kwoze

James 3:15

Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

Rommi 12:9

Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

James 1:17

Akivi eno kupukülai keu ghò kümtsü kunguu no, Apù kungugha küvü, khuu yekükhü kikili toi kilive chemo keno pa lau no iqighi cheni.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

MATTHEW 5:8

Amlo mithemithei kemi kümghae, kughengu panongu ye Alhou ithulu nani.

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

Luke 6:36

Nongu Papù ye kimiyekini kehu nongu ghí kimiyekinimi shilo.

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.

2 Tim. 2:24

Eno Ampeu qemi ye kiyi-muto kepu kumoe ikemu timi kümtsü lau akümtsha shi moayesa, kütsülu kemi shi moayesa eno kutuukulumi shi moayesae.

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

James 2:4

nongu ye nongu likhi nongu dolo kotha-letha anike kumo keshea eno küsakügha kükümsü xapusü küghaküthau shive anike kumo keshea?

IBRIMI 12:11

Ghaküsü shi akeu dolo ye khilemu aloviqhiyi chemo, ikemu sakütü cheni. Tishiaghimu kutou ye, tino achipiumikucho ghile hu cheni eno hipau no khunoqo qopheva keno panongu ghenguno alokiqi süghi cheni.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Rommi 15:14

Athiküzümi eno achelimiqo, I no mütsüqhei ithi akeu no nongu ye akivipu no chhitoi ani, akighithi kutomo ani eno shitsa shi lakhi no lakhi shikalu nanie.

1 Kor. 12:8

Timi lakhi lau Aghungu vechewo alokütsü kükütsü tsa pilu kepu ghò tsü cheni, Aghungu tipau vechewo kütami lau akighithi tsa pilu pe kepu ghò tsü cheni,

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 Tim. 5:21

Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.

Apostolmi 11:24

Barnabas ye timi kivimi lakhi, aküpülü eno Aghungu Kimthe no chhitoi akemi, eno pa no Ampeu lau timi kutomo saighike.

MATTHEW 23:28

Tihutoi, nongu ghí ashou timi gizülo ye amikuchomi toi pìye cheni ikemu alou ye kühakügha eno küsakügha no chhitoi acheni ke.

1 Thes. 2:7

Tishini ke züqhulo ningu ye nongu gholo itimiqo toi shike. Angá kughunu pìní akeu azá lakhi no li ngá tucho-mjo akeu toi,

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

John 1:47

Kughou Jisü no Nathanael no pa küdau chekeu ithulu keno pa no Nathanael ghili ishi pi, “Israelmi kuchou no hi chenie. Pa lolo pishikiqhi kühae.”

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Titus 3:2

khiumu pipütha pemo nikeu, külakishi eno kümsükulumi shi apeni keu eno alhokuthu lo kümtsü lau akümtsha shi apenike ghutú alo.

Titus 1:15

Amlo kimthemi ghengu ye thowkha kümtsü akimthe ke, ikemu shikuchubeve kemiqo ngò pülümo kemiqo ghengu ye kiumu akimthe kühae. Kuchou no, panongu kükümsü ngò alolo kighithi kinikujo shikuchubevea.

Rommi 12:18

Eno tolu ke thaqhülo O shelo timi kümtsü sasü külashi ghi xülo.

Ephesiami 5:9

(kughengu aküvü xathi ye kümtsü akivipu, achipiumikucho eno amikucho ke)

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 9:10

Alhou khuu no apitì yisü kemi lau apitì tsü cheni eno achuqupu ghenguno asho tsü cheni keno pa no nongu lau ghí tsü nani eno nongu pitì pekütsüpüa keu thuwulu eno kighishelu pe nani eno nongu chipiumikucho hu kupukuno shi ghile hulu pe nani.

MATTHEW 5:9

Timi dolo külashi tsü chekemiqo kümghae, kughengu panongu ye Alhou nuliqo ipi ku nani.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

2 Kor. 7:11

Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

James 2:13

kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

1 Peter 2:18

Aqüaxemiqo, Alhou sümsa keu gigihu lono nongu likhi nongu pesü nongu mpemiqo lau ikhiphe pe tsülo, tiye khunoqo akivimi eno akümtshami keno panongu lau likhi kumoe ikemu khunoqo no müghachhoi keno panongu lau ghí tishilo.