James 3:14 - Sümi Tiqhelimi Bible

¹⁴ Ikemu tsalá nono O mlo lo mijimülai keu nhekushu eno alakimine kimiji ghakütsüpe qhi aye, tipau ghenguno qheza kevi momu kuchou milive kevilo.

BAIBEL (BSI)

¹⁴ Ikemu nongu mlolo kukhu-kimiji ngo anhekushu eno aghukha ani aye nonguye aqhekuzashi puzu kuchou shou akimkitsa pikepu kumoe.

Sumi Naga CL (Re-edited) Bible (BSI)

¹⁴ Ikemu nongu mlo lo khumtsai keu nhekushu eno aghükha aghi aye, qheza kevilo eno kichile pesü kuchou shoqa kevilo.

James 3:14 Referans Kwoze

James 3:16

Kughengu khilehi anhekushu eno alakimine kimiji ani keno, tilehi kübangü keu eno küsakügha kümlà jeli ithulu cheni.

1 Kor. 13:4

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

FILIPIAMI 2:3

Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

Rommi 13:13

Atsala küvü lo akemi toi ningu ghushoghili lo kithikiyi shini nolo. Ningu itho-igho eno shomzümoni, kipito xüküpsa eno ghüpoghüzü shimoni, kichighimo eno anhekushu shimoni nolo.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

FILIPIAMI 1:15

Kucho nomu timi khami ye anhekushu eno kumgho ke láu no Khristo ghili pesü kütsü cheni, ikemu kütamiqo ye amikucho shi Khristo ghili pesü kütsü cheni.

James 5:19

I thiküzümi eno I chelimiqo, tsalá nongu dolo timi lakhi no kuchou lono itsüsü wuve no timi khami no timi tipau sachile süghi kepu shi aye,

Apostolmi 5:17

Ikehu achinetou eno pa gholo kutubo kichemi ngò Sadduceemi mqo gholo kihiküsümi kümtsü anhekushu no chhitoive.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

1 Tim. 6:4

timi tipaqo ye alikhi apülü pivi chekemi eno kiumu vethalu chemoe. Panongu ye kütsala nikeu eno kiyi nikeu tsaqo lo amlo tsü keu vechewo anhekushu, kumgho keu, timi xishi keu, pülüküpüsa

1 Kor. 5:2

Eno nongu ye aqheküza shi ani ipie! Tishini ke züqhu nongu ye qanimlo akepu eno timi khuu no hikithipu kümlà shi ani keno nonguw kuposhukulu lono pa je ikhive tsü kepu ke kumo keshea?

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

Galatiami 6:13

Aphighüyiko-küghá saphu chekemi kutólo ghí ayeza pape chemoe, tishimu panongu ye nongu pelo aphighüyiko ghave penishi ani, tishianguno nongu no ashi lono aphighüyiko ghave keu vechewo panongu ye aqheküza shi niye ke.

Galatiami 5:26

Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!

Galatiami 5:21

eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.

Galatiami 5:15

Nongu no tüghashi toi lakhi no lakhi mikiqhi aye, nongu lakhi no lakhi kütsaqhive monimo keno jukuto alo.

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

Rommi 2:17

Nongu no nongu likhi nongu pesü Jewmi ipi ku cheni aye; eno nongu no ayeza shou pükhübe no Alhou sasü küthsükime akeu lo qheza cheni aye;

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

Apostolmi 26:9

“Ni ampi ghí Jisü ipikeu Nazareth nó ghami lachile nike ghenguno tokulupu laghi kümtsü shiju ke.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

John 16:2

Panongu no synagog lono nongu hapheve nani; kuchou lo ye kughou timi khuno no nongu heqhi pithini keno panongu ye Alhou lau hukuthu kümlagho shi ani küghashi kümsüveni keu do cheni.

MATTHEW 27:18

Kughengu panongu no panonguw lüthü lá ghenguno Jisü pesü pa u lo phesü püakeu pa ye ithi ake.

Apostolmi 7:9

“Kughengu apù-asüqo no Joseph ju anheshuve ke ghenguno pa pesü Egypt lo aqüaxemi lakhi toi jesüve. Ikemu Alhou no Joseph gholo ae

Galatiami 5:20

ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli

1 Tim. 2:4

Alhou ye kümtsü pelo xaluve penishi ke eno kuchou ithiluve keu lo ighive penishi ke.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.