James 1:17 - Sümi Tiqhelimi Bible

¹⁷ Akivi eno kupukülai keu ghò kümtsü kunguu no, Apù kungugha küvü, khuu yekükhü kikili toi kilive chemo keno pa lau no iqighi cheni.

BAIBEL (BSI)

¹⁷ Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

Sumi Naga CL (Re-edited) Bible (BSI)

¹⁷ Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:17 Referans Kwoze

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

MATTHEW 7:11

Tishiaye nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau aghokivi pesü pa vilo khukemiqo tsü nani kea?

IBRIMI 13:8

Jisü Khristo ye ighina, ishí eno alhokuthu lo aphiphi ke.

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

1 John 1:5

Hiye pa lau no chilu keu kükütsü tsa ke eno nongu lau shuphe ani: Alhou ye aküvü ke; pa lolo ye àküzǘ kitilamu kühae.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

Luke 11:13

Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

1 Kor. 4:7

Kughengu khuu no kütami kümtsü nguno nongu küta shilu pe kea? Alhou no nongu tsümo keu nongu ye kiu ani kea? Eno nongu no kiu ani keno tiye Alhou no nongu tsü aye, nongu ye kushiye pa no nongu tsümo ketoi qheza ani kea?

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

John 1:9

Timi kümtsü lau aküvü tsü chekeu kuchou küvü hu ayeghi lo ighike.

Piyeküsü 21:23

Akimthe Mishighüna shou yepüvü nikeu ghenguno khetsünhe momu aqhi avehupu shimoe, kughengu Alhou juküvü no tipau yepüvü tsü cheni eno Ambeti hu no tipau kulu ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Piyeküsü 22:5

Tilehi khilemu àküzǘ tsalà küha nani. Panongu ye akulu küvü momu khetsünhe küvü avehupu shimo nani, kughengu Ampeu Alhou no panongu küvü shive nani. Eno panongu no alhokupuju lono alhokupuju kutólo ayè pe anani.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

James 3:15

Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.