James 1:16 - Sümi Tiqhelimi Bible

¹⁶ I no kimiye chekemi athiküzümi eno achelimiqo, nongu pishiqhive pe kevilo.

BAIBEL (BSI)

¹⁶ Ino kimiyechekemi athikuzumiqo, nongu pishiqhivepe kevilo.

Sumi Naga CL (Re-edited) Bible (BSI)

¹⁶ I qhuu athiküzümiqo, nongu pishiqhivepe kevilo.

James 1:16 Referans Kwoze

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

Galatiami 6:7

O likhi O pishiqhi kevilo: Khuu nomu Alhou phimovemlae. Timi lakhi ye pano kiu xusüni keno tipau xolu cheni.

Kolosiami 2:8

Khristo lau no ighi keu kumo aye, khuu pelo nomu abokümsa eno pishikiqhi phukutho khikhi timi kukhuaye eno hipau yeghi ghawu thime küká shou pükhübe keu vechewo ighi cheni keno tipaqo pelo nongu küghasüwuve pe kevilo.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

Kolosiami 2:4

I no hipau nongu vilo piakeu ye timi khuu pelo nomu pishikiqhi tsa vechewo nongu pishiqhive pemo niye ke.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

2 Tim. 2:18

eno pama ye kuchou lau no povae. Panongu ye xülekuthu hu ye hechevae ipi cheni eno panongu no hami küpülü kütsave tsü cheni.

FILIPIAMI 4:1

Tighenguno, I thiküzümi eno I chelimi I no kimiye, kümsü eno sholu nishi chekemi shompamiqo, I lokiqi eno I kijuvilei shitsü chekeqo, hipau ghola lono Ampeu lono ithamo no puthugho lo!

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Mark 12:27

Pa ye kithimi Lhou kumoe, ikemu küxümi Lhou ke. Nongu ye ighono shipimi anie.”

Mark 12:24

Jisü no khochile, “Nongu ye Kuchoyesü mu Alhou küká ghilimu ithi amoke nongu ye shipimi anike kumo keshea?

MATTHEW 22:29

Jisü no khochile, “Nongu ye Kuchoyesü mu Alhou küká ghilimu ithi amoke ghenguno nongu ye shipimi anie.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

James 1:2

I thiküzümi eno I chelimiqo, kugho-kughomu nongu no pekuju jeli sholu kelo tiye akiqheu lokiqi kepi kümsülo,

James 2:1

I thiküzümi eno I chelimiqo, ningu akughushu Mpeu Jisü Khristo pülü chekemiqo ye agikuju shikepu kumoe.

James 2:14

I thiküzümi eno I chelimiqo, tsalá timi khami no aküpülü ani kepi pükha anamu akümlàqo küha aye tiye kiu akivi ani kea? Aküpülü titoi keu ye panongu xalu nani keshea?

James 3:1

I küsàmi küpülümiqo, nongu kutomo no kükütsümi shive kepu kumoe, kughengu nongu no ithi akeu toi ningu khunoqo no kütsü cheni keno ningu ye kütami nguno alau shi mükamüghai küghathabe nani ke.

James 3:10

Akichi lakhi lono sheqhe keu eno ghusho keu ipeghi cheni. I thiküzümi eno I chelimiqo, hi shikepu kumoe.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

James 5:12

Athiküzümi eno achelimiqo, kümtsü nguno alau, kungugha momu ayeghi momu kiu-kiumu pesü tushoqhi kevilo. Nongu no pi moayesa keu ye mülalei shi “Iyei” momu “Moe” likhi pi moayesae. Tishimo aye nongu kiléqhive nani.

James 5:19

I thiküzümi eno I chelimiqo, tsalá nongu dolo timi lakhi no kuchou lono itsüsü wuve no timi khami no timi tipau sachile süghi kepu shi aye,