IBRIMI 9:10 - Sümi Tiqhelimi Bible

¹⁰ Tipaqo ye chuqu-kusho eno chine-chini shikimthe keu jeliqo vehu likhi ke—hiye azah kithé do tomo ke kutólo ashou yezashi pepimhe akeu ke.

BAIBEL (BSI)

¹⁰ Tipaqoye kuchu kusho eno qhukimthe anikeu yeh likhike. Hipaqoye Alhou no shikithekeu sughikumo dolo aphimpi ghenguno bekutha yehqoke.

Sumi Naga CL (Re-edited) Bible (BSI)

¹⁰ ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.

IBRIMI 9:10 Referans Kwoze

Kolosiami 2:16

Tighenguno timi khuu pelo nomu nongu no kiu chu eno sho cheni, momu tiqhitini tsalà ikhilu chekeu, Aqhi Kithe momu Sabbath tsalà ikhilu chekeu vechewo nongu shou küghathabe pe kevilo.

Ephesiami 2:15

tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

IBRIMI 7:16

tiye khuu pa pù-asüqo yezashi kiqi lono kumo no kütsave müla keu küxü küká vechewo achineu shilu keu hu ke.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 9:1

Ike puloshoqhi atüghiu ye akümlá ngò ayeghilow akimthe-a ghengu ghí yezashi acheke.

IBRIMI 6:5

khunoqo no Alhou tsa ye akivi kepi micheluvea eno ighi niye akeu tiqheli kükaqo ithive

IBRIMI 2:5

Alhou ye kungumiqo pelo, ningu no piakeu ghili, ti ighi niye akeu yeghiqha shou ayekipemi shipe niye anike kumoe.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

Ephesiami 1:10

Tiye kughou panongu ghenguno ado kupukülaive nike no tile no huthu ghi shikupu niye ke—eno tiye kungugha eno ayeghi lo thimeqo kümtsü küqha süwo Khristo qholo qhivetsü niye ke.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

Mark 7:4

Panongu ye kughou lhidikishi-a lono ideghini keno, au mütsü mphi züu ye chu-sho chemoe. Eno panongu ye akukhuaye kütau kutomo pepimhe che, kümsüju kelo ajikhu, alikoli eno sünizüliqo küsü-mithe keu toi keu.)

IBRIMI 7:12

Kughengu kughou achine kümlapù shi chekeu kiliveni keno, ayeza ghí kilive moayesa nani.