IBRIMI 7:25 - Sümi Tiqhelimi Bible

²⁵ Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

BAIBEL (BSI)

²⁵ Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

Sumi Naga CL (Re-edited) Bible (BSI)

²⁵ Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

IBRIMI 7:25 Referans Kwoze

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

Ephesiami 3:20

Itehi ye Alhou khuu pa küká ningu lolo akümlà shi akeu kiqi lono ningu no khu keu momu kümsü keu nguno alau kimghi kümlapú kutólo shikulupu ani keno,

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

IBRIMI 7:19

(kughengu ayeza ye kiumu kupukülai shitsümo ke), eno lajupu akiviu lakhi kilethi tsüke, tipau vechewo ningu ye Alhou lau kupunú wu chenie.

John 14:13

Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

IBRIMI 13:15

Tighenguno, ningu kichí lono ipeghi keu tsa pesü pa je shuphe ghi Jisü vechewo tamo no shekiqhe ghakishi pesü ningu Alhou müláni nolo.

IBRIMI 7:16

tiye khuu pa pù-asüqo yezashi kiqi lono kumo no kütsave müla keu küxü küká vechewo achineu shilu keu hu ke.

IBRIMI 2:18

Kughengu pa ampiu ghí kughou ghuju keno imeve kehu, pa ye khunoqo no ghukuju sholu ani keno kuphulu acheni.

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

John 14:16

I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

IBRIMI 7:24

ikemu Jisü ye alhokupuju ghenguno xü acheni ke ghenguno pa ye alhokuthu acheni keu achine kümlakishiu lakhi ke.

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

IBRIMI 7:8

Lakhi sheamzü lo ye, chighí saje ye thiveni kemi timiqo no pekütsü cheni; ikemu kütau sheamzü lo ye, pa ye xüani ipi shukiphe shi akeu no pekütsü cheni.

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.