IBRIMI 7:19 - Sümi Tiqhelimi Bible

¹⁹ (kughengu ayeza ye kiumu kupukülai shitsümo ke), eno lajupu akiviu lakhi kilethi tsüke, tipau vechewo ningu ye Alhou lau kupunú wu chenie.

BAIBEL (BSI)

¹⁹ Kughengu Ayezahno kiumu kupukulu shitsupe puamoe. Ikemu itehiye lajupu akiviu sailoghivae, tipau vechewo ninguno Alhou kupunu ighilu cheni.

Sumi Naga CL (Re-edited) Bible (BSI)

¹⁹ (kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

IBRIMI 7:19 Referans Kwoze

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

IBRIMI 4:16

Tishiaye ningu ye pülükibe àghi Alhou’w küpükini küká lakhü kupunú ighini nolo, tishianguno ningu no avehupu shike ghuloki lo ningu kuphulu nikeu kikimiye ngò küpükini ithulu kepu shini ke.

IBRIMI 9:9

Hiye itehi do ghuloki ghenguno kimghi pìye akeu lakhi ke, tiye aghò eno aghakishiqo Alhou mülá akeu vechewo Alhou mülá chekemi lolo kighithi mütsümishei müla kepi kichetsü anike.

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

IBRIMI 11:40

kughengu Alhou ye ningu ghenguno kiuala akiviu kughupe qhipüani, tishianguno ningu gholo no aqoshi panongu ghí kupukülai shiluve peniye ke.

IBRIMI 10:1

Ayeza ye akivi thime ighi niye shi akeu yekükhü likhi ke—ayeza likhi ye kuchou kühae. Hi ghenguno ayeza ye khunoqo no ampe atsütsǜ lo ide-ide tamo no aghakishi athoshi pesü Alhou mülá nike kupunú ighi acheni keno panongu pelo khilemu kupukülailu pe müla nani.

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

IBRIMI 8:6

Ikemu kuchou lo ye pichebekümlà Jisü no ithulu keu ye panongu lau pichetsü keu nguno akiqheu ke kughengu Jisü no puloshoqhi khipauw alakipiu shi ani keno tiye puloshoqhi aqau nguno akiqheu ke, kughengu puloshoqhi akitheu ye pikiqhi akiviuqo shou shiqhepuku pe püani ke.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

IBRIMI 7:11

Levimi chine kümlapù vechewo kupukülailuve kepu shi aghí aye—eno kuchou lo ye timiqo lau ayeza tsü keu no achine kümlapù tipau huthuphe tsüke—kushiye itaghi Aaron no shikeu ghola kumo no Melchizedek no shikeu ghola lono achineu kütami lakhi ighi moayesave kea?

1 Tim. 1:1

Paul, ninguw xakulu Lhou eno ninguw lajupu Khristo Jisü zakütsü vechewo Khristo Jisü’w apostol lakhi no,

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

Galatiami 3:24

Ike Khristo no ighino aküpülü lono ningu pelo achipikalu pemo ke kutólo ayeza no ningu kheu shi acheke.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

Rommi 7:7

Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Galatiami 3:21

Tighenguno, ayeza ye Alhou’w pikiqhiqo lakichile keshea? Khilemu tishimoe! Kughengu aküxü tsükulupu ghenguno ayeza tsüpüaghi ke aye, achipiumikucho ye mütsüqhei no ayeza vechewo ighini cheke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

IBRIMI 7:20

Eno tiye ashoqhi küha keu kumoe! Kütamiqo ghí ashoqhi tikithipu sümo namu achinemi shive ke,

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.