IBRIMI 6:10 - Sümi Tiqhelimi Bible

¹⁰ Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

BAIBEL (BSI)

¹⁰ Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

Sumi Naga CL (Re-edited) Bible (BSI)

¹⁰ Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

IBRIMI 6:10 Referans Kwoze

MATTHEW 10:42

I no kuchou no nongu vilo pìní, timi khuu no I khopemi gholo akitilau shi aghí namu pa ye I khopemi kepi azü kumko ajikhu lakhi likhimu pesü tsüní keno, panoqo ye khilemu panow qesaxu pühamo nani.”

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

Galatiami 6:10

Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

Mark 9:41

Kuchou no I no nongu vilo piani, nongu no Messiah papemi shi aghí keu vechewo timi khuu no azü ajikhu lakhi likhimu nongu piyéni keno panongu ye khilemu panow qesaxu pühamo nani.

Rommi 12:13

Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

John 13:20

Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

2 Kor. 9:1

Ampeu’w timiqo lau tsükini kümlà hipau shi moayesa keu vehu lo ni ye nongu lau yè akepu kühae.

1 John 1:9

Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

IBRIMI 10:32

Püzüu tsalaqo lo nongu no Jisü ithiluve kethiu, nongu no aghime chhitoi keu küküpüna kijè puqhe keqo hu kümsülulo.

MATTHEW 20:7

Panongu no ishi khochile. “ ‘Kughengu khuu nomu ningu aqe-piqe moke.’ “Pa no panongu vilo pi, ‘Nongu ghí wulo eno I tsailu lo mülà lo.’

MATTHEW 25:17

Titoi, ameshoyi jolabo kini ithulu keu ghí ameshoyi jolabo kini alá shiluve.