IBRIMI 13:8 - Sümi Tiqhelimi Bible

⁸ Jisü Khristo ye ighina, ishí eno alhokuthu lo aphiphi ke.

BAIBEL (BSI)

⁸ Jisu Khristo ye ighi, ishi eno alhokupujulo aphiphike.

Sumi Naga CL (Re-edited) Bible (BSI)

⁸ Jisü Khristo ye ighi, ishi eno alholo aphiphie.

IBRIMI 13:8 Referans Kwoze

James 1:17

Akivi eno kupukülai keu ghò kümtsü kunguu no, Apù kungugha küvü, khuu yekükhü kikili toi kilive chemo keno pa lau no iqighi cheni.

Piyeküsü 1:8

“Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

IBRIMI 1:12

Nono chijeboboi-phi toi panongu liküzü nani; tiphimini toi panongu ye kilive nani. Ikemu no ye athoshi anani, eno O mpeqo ye khilemu ashekha shivemo nani.”

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

2 Kor. 1:20

Kughengu Alhou no kutomo piqhipüaghi namu, tipaqo kümtsü Khristo vechewo “Iye” ipi anike. Ikehu ningu no pa vechewo Alhou juküvü shi ghi “Amen” ipi cheni.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.