IBRIMI 13:23 - Sümi Tiqhelimi Bible

²³ Ningu thiküzüu Timothy ye khaqhiphevea kepi ni ye nongu pelo ithive penishi ani. Tsalá pa no kighithe ighive aye, ni ye nongu sasü kusho nike pa gholo no ighi nani.

BAIBEL (BSI)

²³ Nithikuzuu Timothi ye akughu lono ipeghive keu nongu pelo ithive penishi ani. Pano keyi ighi aye igholo pa sasu ighi puzu niye nongu sasu kusholuni cheni.

Sumi Naga CL (Re-edited) Bible (BSI)

²³ Ni thiküzüu Timothy khaqhi pheve keu nongu pelo ithive penishi ani, pa no ke-i ighi aye I no pa sasü ighi no nongu kusholuni.

IBRIMI 13:23 Referans Kwoze

Philemon 1:1

Khristo Jisü tsakiviu pikülha keu ghenguno akughu shi akeu Paul eno ningu thiküzüu Timothy lau no, Ningu no kimiye chekeu aküsàu Philemon eno mülà küqha akemi lau—

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.

Philemon 1:22

Eno itaghi thime lakhi aphi: I sala inami chebo lakhi kutò tsülo, kughengu I no laju akeu ye Alhou no nongu kighiniqo khochile tsü no nongu lau ighilu pe nani ke.

1 Tim. 6:12

Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

Rommi 15:28

Ike I no akümlà hipau shiqhive püzü Jerusalem lo kumlhomiqo no akukuphu ithuluve keu mütsümisheive kethiu no Spain lo wu nani eno I no tilau wu kikije nongu xuju nani.

Rommi 15:25

Ikemu itehi ye, ni ye Ampeu’w timiqo kümlapù ghenguno Jerusalem lo wuchea.

Kolosiami 1:1

Ni Paul, Alhou pulou vechewo Khristo Jisü’w apostolmi lakhi, eno ningu thiküzüu Timothy no,