IBRIMI 13:22 - Sümi Tiqhelimi Bible

²² Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.

BAIBEL (BSI)

²² Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

Sumi Naga CL (Re-edited) Bible (BSI)

²² Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

IBRIMI 13:22 Referans Kwoze

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

Galatiami 6:11

I likhi I u no kiyethi kijè shi peitha no nongu lau kiu yè ani keno julo!

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

Apostolmi 13:15

Ayeza eno Tungkupumi kaku lo phisüve kethiu synagog lo sakiphemiqo no pama lau küsütsa puwu ghi pi, “Athiküzüu nokujo, tsalá timiqo ghenguno hakuthokütsü tsa aghí aye kimiye no pitsülo.”

Ephesiami 3:3

tiye, I no ikhonhei shi yèpe qhipüa keu toi piyeküsü vechewo I lau Alhou’w tuqhou pìye keu ke.

IBRIMI 12:5

Eno nongu ye apù no panu lau pike toi nongu vilo ishi shikumto keu tsa pikeu kümsümavea keshea? Ishi pipüani, “I nu, Ampeu’w ghaküsü mülalei shive kevilo, eno pa no alomipi kelo aghüthi sükevilo,

IBRIMI 13:19

Ni ye akhotoshi nongu pelo akighini shipe nike hakite ani tishianguno I pelo kighithe nongu gholo ighilu peniye ke.