IBRIMI 12:1 - Sümi Tiqhelimi Bible

¹ Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

BAIBEL (BSI)

¹ Ike ningu sheloye thopimi aqokitikhi hijejehino ningu suhu muxape anike ghenguno, ningu punaqhikeu jeli kumtsu eno axine khipauno tsatsayi ningu pufuluve cheni keno tipaqo xaqhiveni nolo, eno ningu zulo pokimhekepu qhitsukeu hu amloithamono poni nolo.

Sumi Naga CL (Re-edited) Bible (BSI)

¹ Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 12:1 Referans Kwoze

2 Tim. 4:7

Ni ye akivishi aghü shivae, ni ye akupo lo ashe tovae, ni ye aküpülü pewo tovae.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

Galatiami 5:7

Nongu ye akivishi pokuxu ake. Khuu no nongu pelo kuchou ghokulu shi akeu lono hachileve kea?

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

2 Tim. 2:4

Ghüshimi lakhi ye ghüshimi kümlà shi akelo aqha küxü lo chhosü chemoe, ikemu tishini ke züqhulo paw zatsüu pulou shini ke pükapütsa acheni.

James 1:3

kughengu nongu küpülü peju keu no tsükhoi keu iqiphe chekeu nongu no ithi anike.

MATTHEW 24:13

ikemu khuno no ashekha kutólo mutotoi puthugho aghíni keno xaluve nani.

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

IBRIMI 6:15

Ikehu kutuukulu shi khea kethiu, Abraham ye pa lau kiu piqhipüa keno ithulu ke.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

2 Peter 1:6

eno akighithi gholo alikhi aghasülu keu; eno alikhi aghasülu keu gholo tsükhoi keu; eno tsükhoi keu gholo Alhou sümsa keu;

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

John 3:32

Pa ye pa no kiu chilu eno ithulu keno tipau shepe shike, ikemu khunomu pa shepe ikhilumoe.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Luke 16:28

kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’

John 4:39

Totimi hu no, “I no mülàpüa keu kümtsü pa no I vilo pive ke,” ipi ashepe shikeu ghenguno mishiphu tipau lo akemi Samariamiqo kutomo no Jisü pülüluve.

John 4:44

(Ike Jisü ampi no tungkupumi lakhi ye pa likhi pa punugha lo agigihu küha ipi ke.)

Galatiami 2:2

Ni ye piyeküsü lakhi ghenguno eno khunoqo akukuho lo sakiphemiqo shi akeno tipaqo sasü lomo shi küptsa niye wue. Tisheno I no Jewkumomiqo gholo kütsü chekeu atsakiviu pesü panongu lau lhepiye ke. Tiye I no kiu mülà ani eno kiu mülà ighivea keno tipaqo ye adou kumo kepi mütsümishei shive nishi yé ke.

Ephesiami 4:25

Tighenguno akimiki tsa pi kevilo. Nongu lakhi-khi no nongu kisüghümi vilo kuchou tsa pilo, kughengu ningu kümtsü aphimpi lakhi lo kihiküsümi ke.

FILIPIAMI 1:30

Tishiaye I no kumjo achekeu nongu no ithulupüa keu eno ni ye tishi achephi kepi nongu no chilu akeu toi, nongu ghí kumjo keu sholu anike.

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

Mark 10:50

Paw ubephi xape peve no, pa no ilhe thuve püzü Jisü lau ighi.