IBRIMI 11:32 - Sümi Tiqhelimi Bible

³² Eno ni ye hipaqo nguno alau kiu pìní kea? Ni ye Gideon, Barak, Samson, Jephthah, David, Samuel eno tungkupumiqo ghili pinike ado kühae,

BAIBEL (BSI)

³² Niye alaughi kiu pinia? Gideon, Barak, Samson, Jafta, David, Samuel eno tungkupmiqo ghili piakepushi anamu ighenguno adono kuhae.

Sumi Naga CL (Re-edited) Bible (BSI)

³² Hinguno alau ni ye kiu pinia? Gideon, Barak, Samson, Jephthah, David, Samuel, eno tungkupmiqo ghili pinike ni ye ado kühae,

IBRIMI 11:32 Referans Kwoze

John 21:25

Jisü ye thime kütau ghí kutomo shike. Tsalá tipaqo kümtsü yèpe qhike aye, I no kümsüju kelo kaku yèpeqhi keu tipaqo pesü ayeghiqha kuchopu lo qhi kepu chebo kühave nanie.

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

Rommi 7:7

Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Rommi 4:1

Tishiaye ningu pù-asü Abraham ye ashi gholau no pìní aye, Alhou lau achipikalu keu vehu lo kiu phuphelu kea?

Rommi 3:5

Ikemu ningu chipiumikucho kumo no Alhou chipiumikucho alau mütsümishei pephelu aye, ningu ye kiu pìní kea? Alhou no pa loghu ningu shou süghi keu ye achipikumo ke ipini keshea? (Ni ye timi no kütsala chekeu ghola peitha ani.)

Apostolmi 13:20

Hi shikeu kümtsü ampe 450 qhalo luveke. “Tishive kethiu, Samuel tungkupuu ghuloki kutólo Alhou no xaküthami panongu tsüe.

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 3:24

“Kuchou no, Samuel lono huthu no tungkupumi ashe-azü tsa pi kemi kümtsü no hipaqo tsalà ghili pipüakhanie.

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

James 5:10

Athiküzümi eno achelimiqo, tungkupumi khunoqo no Ampeu je lono asheshu keno tipaqo pesü kiche-kipiye shi ikhilu no aghime gizülo kutuukulu shilo.

Rommi 6:1

Tishiaye, ningu ye kiu pìní kea? Küpükini alau shi kighishe penike ghenguno ningu ye axiné shiauve kepu keshea?

Luke 16:31

“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”

Luke 13:28

“Nongu no Abraham, Isaac, Jacob eno tungkupumiqo kümtsü Alhou kükaphu lo aghí keu ithulu nani, ikemu no ampi ye khalau vepheve kelo, tilehi qanimlo eno ahu tsüghü-bubushi keu anani.

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.