IBRIMI 11:26 - Sümi Tiqhelimi Bible

²⁶ Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.

BAIBEL (BSI)

²⁶ Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

Sumi Naga CL (Re-edited) Bible (BSI)

²⁶ Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

IBRIMI 11:26 Referans Kwoze

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

IBRIMI 10:35

Tighenguno nonguw pülükibe pheve kevilo; tiye kinikülü shi qesaxu tsü nani ke.

Piyeküsü 3:18

O pelo kiními shilu penike ghenguno I no O vilo I lau no ami lono thakütsüghüve keu ameshoyi qhülulo; O phikümsa küküjo küzü nike ghenguno miyetsüghoi keu phimini pepu kepu qhülulo; eno O pelo ithulu penike ghenguno O nhethi lo sǘ kepu shikipivi qhülulo pi akükümsü O tsüke.

1 Peter 4:14

Tsalá Khristo je ghenguno nongu shikukujo aye, nongu ye müghae, kughengu ajuküvü Ghungu eno Alhou Ghungu no nongu shou anie.

IBRIMI 2:2

Kughengu kungumiqo vechewo akükütsü sütsa pive keu ye akumto kuchou ke, eno tipau hexa eno hebide keu ye ithulu küzüpu aghime ithuluvae,

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

Luke 14:14

eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

IBRIMI 13:13

Tishiaye, ningu ghí küghüna chekeu nguno khalau pa lau wuni eno pa no jukünatha keu puluve keu küsajeni nolo.

IBRIMI 10:33

Khani lo nongu ye mìshí zülo no nongu thaigha no pishi-puju ke; eno khani lo ye timi no hitoi khunoqo peithapüsa keno tipaqo sasü nongu no aghime küsaje ke.

FILIPIAMI 3:7

Ikemu I no kiu alá shilu püaghi namu Khristo ghenguno tipaqo ye adou kepi I no kümsüluvae.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

MATTHEW 10:41

Khuu no tungkupu lakhi ye tungkupumi kepi ikhiluni keno tungkupu saxu ithulu nani, eno khuu no amikuchomi lakhi ye amikuchomi kepi sasü nike no, amikuchomiw asaxu ithulu nani.

MATTHEW 6:1

“O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Luke 14:33

Tihutoi, nongu khukhumu nono aghí keu kümtsü phevemoni keno nongu ye I papemi shimlae.