IBRIMI 11:13 - Sümi Tiqhelimi Bible

¹³ Timi hipaqo kümtsü thiveni ke kutólo aküpülü vechewo xü ake. Panongu ye panongu lau piqhipüa keu thimeqo ithumla ke; panongu ye anhethi likhi no tipaqo ithulu no putou lono panongu sasülu ke, eno panongu ye ayeghi hipau lo inami eno tüsümiqo kepi ikhilu ghi hi shike.

BAIBEL (BSI)

¹³ Akupulu lono timi hipaqo kumtsu thivae. Panonguye Alhou no piqhipuakeu ithumla ikemu putouno pishipuwo tipaqo ithuluno ikhilukileve, panonguye ayeghilo inami, kupokichemi eno haphevekemi kepi ithipuqaive cheke.

Sumi Naga CL (Re-edited) Bible (BSI)

¹³ Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

IBRIMI 11:13 Referans Kwoze

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.

John 8:56

Nongu papù Abraham no I tsalà ithulu nikeu kümsü no alovishe ke; pa no ti ithulu eno alokivishi ke.”

IBRIMI 11:39

Panongu kümtsü panongu küpülü ghenguno sheqhe ke, ikemu panongu lakhimu kiu piqhipüa keno tipau ithumla ke,

Ephesiami 2:19

Tishiaye, nongu ye tüsümi eno inamiqo kumovae, ikemu Alhou’w timiqo gholo aghakütsamiqo eno pa kibo lo kihiküsümiqo ghí ke,

Rommi 8:24

Kughengu lajupu hipau vechewo ningu xalu ke. Ikemu ithuluve keu lajupu ye lajupu kumovae. Kughengu khuu no ithuluve keu thime shou lajupu qhicheni kea?

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

1 Peter 1:17

Kughengu nongu no Apù khuu agi jumo no timi lakhi-khi shou xatha chekeu ku keu ghenguno, nongu no hilehi ake dolo inamiqo toi agigihu sükümsa lono xülo.

Rommi 4:21

eno Alhou ye pa no kiu piqhi keno tipau shikulupu küká ani kepi tsaqüi pükhübeluve.

1 John 3:19

Ningu ye kuchou laumi eno ningu mlo ye kíshi pa zülo akulhoqhilu cheni keno ningu no hitoi ithi acheni:

MATTHEW 13:17

Kuchou no I no nongu vilo pìní, tungkupumi eno amikuchomi timi kutomo no nongu no kiu ithulu ani keno ti ithulu nishi che kemu ithumlave, eno nongu no kiu chilu ani keno chilu nishi che kemu chimlave ke.

John 12:41

Isaiah ye Jisü juküvü ithulu keu ghenguno Jisü ghili hipau pike.

2 Kor. 4:18

Ikehu ningu ye kiu ithulu ani keno tipau shou ningu mlo tsüqhiyi chemoe, ikemu kiu ithulu chemo keno tipau shou ningu mlo tsüqhiyi cheni. Kughengu kiu ithulu ani keno tiye ado kitila ghenguno ke, ikemu kiu ithulu chemo keno tiye lhokta ghenguno ke.

2 Kor. 5:6

Tighenguno ningu no alhokuthu lo pülüqhiyi eno ithi achekeu ye ningu no aphimpi hipau lo xü ake thaqhülo ningu ye Ampeu lau no putosü pe acheni ke.

IBRIMI 11:14

Timi khunoqo no hitoi keu tsa pi cheni keno panongu ye pano likhi pano ghenguno aghakhu phu cheni kepi pìye anike.

IBRIMI 11:17

Kughou Alhou no Abraham peju keno pa ye aküpülü vechewo aghakishi lakhi shi ghi Isaac pe Alhou mülá ke. Timi khuu pikiqhi tsüqüluve keno pa ye panu lakhi likhi akeu pe aghakishi shive niye kutò ake,

1 Peter 1:1

Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,