IBRIMI 10:5 - Sümi Tiqhelimi Bible

⁵ Tighenguno kughou Khristo no ayeghi lo ighi keno pa no ishi pi: “No ye aghakishi eno akümlagho lunishi chemoe, ikemu nono aphimpi lakhi I ghenguno kutò pe qhitsü ke;

BAIBEL (BSI)

⁵ Tishike ghenguno, Khristo no ayeghiqhalo iloghi nichekelo pano Alhou vilo ishipi: “Noye lhoxu heqhipe aghashikeu eno mllakeulo aghaqi chemoe, Ikemu ighenguno nono aphimpi lakhi kutope qhitsuke.

Sumi Naga CL (Re-edited) Bible (BSI)

⁵ Tishi kehu Khristo no ayeghi lo ighi kelo pa no pi, “No ye aghakishi eno akümllagho laju chemoe, ikemu Nono I sala aphimpi lakhi kutope qhitsüe;

IBRIMI 10:5 Referans Kwoze

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

IBRIMI 1:6

Eno itaghi, kughou Alhou no pa Nu amsüu ayeghi lo süghi keno, pa no hitoi pi, “Alhou’w kungumiqo kümtsü pelo pa mülá pelo.”

IBRIMI 10:7

Tisheno I no pi, ‘Ni hile ani—liküküzü kaku lo I ghili yèpüani— I Lhou, ni ye O pulou shini ke ighi ani.’ ”

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

2 John 1:7

Pishikiqhimi kutomo khunoqo no Jisü Khristo ye ashi shi no ighike ipi ikhilu chemo keno panongu ye ayeghiqha lo ipeghiva ke ghenguno ni ye hipau pi anike. Hitoi kemi timi ye pishikiqhimi eno Khristo lakichilemi ke.

IBRIMI 8:3

Achinemiqo shou atou kümtsü aghò ngò aghakishiqo pesü Alhou mülá peniye süküsü shi cheni ke, eno tighenguno achinetomiqo shou atou hipau ghí kiuala Alhou mülá moayesa kepu shive ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Luke 1:35

Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

MATTHEW 11:3

no ishi iniju pe, “No ye ighi niye akeu hu keo, ningu ye kütami huqhe aghílo pi kea?”

Luke 7:19

pa no Ampeu vilo, “No ye ighi niye akeu hu keo, ningu ye kütami huqhe aghílo pi kea?” ipi iniju penike pama puwu.

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

IBRIMI 10:8

Atüghishi pa no ishi pi, “Panongu no ayeza kiqi lono akümlagho mülá aghí namu no ye aghakishi ngò akümlaghoqo, akipti kümlagho eno axiné shikimthe keu kümlaghoqo lunishi chemoe, momu no ye tipaqo shou amloqi chemo ke.”