IBRIMI 10:29 - Sümi Tiqhelimi Bible

²⁹ Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

BAIBEL (BSI)

²⁹ Tishiaye, timi khuno Alhou Nu pesu aphimuqhu nikeno, pa shikimthekeu puloshoqhi jih shikuchhubeve nikeno eno Alhou wu kupukini Ghungu thaigha nikeno, timi tipauye shishe aghime lhoksa kiutoi ithulukepu shinani kela kumsujulo!

Sumi Naga CL (Re-edited) Bible (BSI)

²⁹ Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 10:29 Referans Kwoze

IBRIMI 6:6

eno khunoqo no ikiqivea keno, tipaqo saideghi püzü amlo pebideve pe nikeu ye kushokütsüpu ke. Panongu haküsapu shi panongu ye itaghi huthu kithethu shi Alhou Nu yedapithi ani eno mìshí zülo no pa shikukujo anie.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

1 Kor. 11:27

Tishiaye, khukhumu tsaqütsaleimo püzü Ampeu’w asho chu keu eno Ampeu jikhu lono sho keu ye Ampeu phimpi eno Ampeu jì zülo axiné kipimí shive anie.

Luke 12:10

Eno Timi Nu lachile keu tsa pi kemi kümtsü kipimí qhivetsü nani, ikemu khuno Aghungu Kimthe pipüthani keno pa ye akipimí qhitsümo nani.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

Apostolmi 7:51

“Nongu amlo kuthovi kemiqo! Nongu mlo eno kìníqo ye kili mphie. Nongu ye nongu pù-asüqo toi pülhapuju Aghungu Kimthe mjochile cheni!

IBRIMI 12:25

Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

IBRIMI 9:13

Anetsü ngò amishitsüqo jì eno amishi-alí pitive keu ayevǜ ye khunoqo no chine-chini vechewo mithemove keno panoqo pelo ashou mitheluve penike ghenguno panongu shou küzüte puku cheni.

1 Kor. 11:29

Kughengu khunoqo no Khristo phimpi ghili tsaqütsalei mtha no chuni eno shoni keno panongu ye panongu likhi panongu shou küghakütha süghi kepu shi chu eno sho anike.

IBRIMI 6:4

Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

IBRIMI 2:11

Ikemu Jisü khuu no timiqo akimthe shive tsü eno khunoqo akimthe shivea keno panongu ye akibo lakhi ke. Ikehu Jisü ye panongu vilo athiküzümi eno achelimiqo ipi kuni keu kujove chemoe.

John 17:19

Panongu pelo kuchou no ikhiphe pe tsü penike ghenguno ni ye I likhi ni ikhiphe pe tsüvea ke.

MATTHEW 7:6

“Akimthe thime pe atsǜqo tsü kevilo; nonguw mülaputuqo pesü awoqo zülo veqhitsü kevilo. Tsalá nono tishiaye, panongu no apukhu no thime tipaqo qodave nosake, eno ighowo nongu süthapiniyive nosake.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

John 10:36

Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

IBRIMI 9:20

Pa no pi, “Hiye puloshoqhi jì khikhi Alhou no nongu pelo pape peniye tsü keu zakütsü ke.”

1 Kor. 15:25

Kughengu Khristo ye pa ghümiqo kümtsü pesü pa pukhu qholo qhivemo ke kutólo ayè pe moayesa nani.

Rommi 16:20

Alokughuno tsü chekeu Lhou no kighithe Satan nedaqhive no nongu pukhu qholo qhivetsü nani. Ampeu Jisü’w küpükini nongu gholo apeniu.

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

1 Kor. 15:27

Kughengu Kuchoyesü no pikeu toi, “Alhou no thowkha kümtsü pesü pa pukhu qholo qhivetsü ake.” Ike kughou “thowkha kümtsü” pa qholo qhivetsü ipi keno, tiye mütsümishei no Alhou khuu thowkha kümtsü Khristo qholo qhivetsü keno pa ampi ye kihisü amoe.

Mark 7:2

ikelo Jisü khopemiqo khami no au mithemo no akeu mütsüvemo püzü achuqupu chu aghí keu panongu no ithulue.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.