IBRIMI 10:1 - Sümi Tiqhelimi Bible

¹ Ayeza ye akivi thime ighi niye shi akeu yekükhü likhi ke—ayeza likhi ye kuchou kühae. Hi ghenguno ayeza ye khunoqo no ampe atsütsǜ lo ide-ide tamo no aghakishi athoshi pesü Alhou mülá nike kupunú ighi acheni keno panongu pelo khilemu kupukülailu pe müla nani.

BAIBEL (BSI)

¹ Judami yezah ye mutsuqheyi no thime kuchou akeqo sasu aphiphi kumoe. Hiye thime kivi ighiniye kuto akeu julhoke. Ampe atsutsu ishwokibe aphiphishi lhoxu heqhipe mllache keuye Alhou lau kupunu ighikemiqo pesu khilemu viwotolu keu shipemlae.

Sumi Naga CL (Re-edited) Bible (BSI)

¹ Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.

IBRIMI 10:1 Referans Kwoze

IBRIMI 8:5

Panongu ye akimthe-a lo hukuthu kümlà shi cheni ke eno tiye kungugha lo kiu ani keno tipau kíshi shikeu eno tipau yekükhü ke. Hi ghenguno Moses ye kughou pa no puloshoqhi-chebo shiqhepuku niye shi akeno pa no ishi pikichi ke: “Nongu ye thowkha kümtsü naghuto lo puloshoqhi-chebo ghola nongu pìyeve ketoi shini ke jukuto lo.”

IBRIMI 9:11

Ikemu kughou Khristo no thime kiviqo itehi hile akeqow achinetomiqo shou atou shisü ighi keno, pa ye timi u no mülàmo keu nguno akijeu eno ighono kupukülai keu puloshoqhi-chebo lo ilo ke, hi piakeu ye, tiye hipau yeghi gholo lhophepüa keu kumo ke.

Kolosiami 2:17

Hipaqo ye ighi niye shi akeu thimeqow yekükhü lakhi ke; eno kuchou ampi ye Khristo lolo likhi no ithulu cheni.

IBRIMI 9:23

Tighenguno kungugha thime kishishiqo ye aghakishi hipaqo vechewo shikimthe moayesa ke, ikemu kungugha thimeqo ye pano ghenguno aghakishi hipaqo nguno akiviu avehupu ke.

IBRIMI 9:25

Momu pa ye achinetomiqo shou atou no Akimthe Nguno Akimtheu-a lo ampe atsütsǜ ajì khikhi pa jì kumo keno pesü ilo cheke toi pa likhi pa pesü anguno-anguno Alhou mülá nike ghenguno kungugha lo ilomoe.

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

IBRIMI 7:11

Levimi chine kümlapù vechewo kupukülailuve kepu shi aghí aye—eno kuchou lo ye timiqo lau ayeza tsü keu no achine kümlapù tipau huthuphe tsüke—kushiye itaghi Aaron no shikeu ghola kumo no Melchizedek no shikeu ghola lono achineu kütami lakhi ighi moayesave kea?

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.