IBRIMI 1:14 - Sümi Tiqhelimi Bible

¹⁴ Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

BAIBEL (BSI)

¹⁴ Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

Sumi Naga CL (Re-edited) Bible (BSI)

¹⁴ Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

IBRIMI 1:14 Referans Kwoze

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Apostolmi 27:23

I no qe chekeu Lhou eno I Mpeu’w kungumi lakhi no ìji inaputhou no I phivilo puthugho

Apostolmi 5:19

Ikemu putho lono Ampeu’w kungumi no ighino akughuki hukikhaqo khaqhive püzü panoqo sasü khalacheu ipeghive.

Apostolmi 12:7

Paikhavi lono Ampeu’w kungumi lakhi ipeghi eno aküvü no achebo lo yepüvü pe ngove. Pa no Peter bighi lo tukütha no pa küdaputhu. Pa no ishi pi, “Mtazü, ithuvelo!” eno Peter u lono ayikichhe kighi iko ikiqive.

Luke 1:19

Kungumi no pa vilo pi, “Ni ye Gabriel ke. Ni ye Alhou phivilo puthugho acheni eno I pelo O pütsa eno asütsa kivi hipau O vilo pipe nike I puwu ke.

MATTHEW 1:20

Ikemu pa no hipau kümsüluve kethiu, Ampeu’w kungumi lakhi no asamou no pa lau ipeghino pi, “David nu Joseph, Mary pesü O nipu shini keu lo msà kevilo, kughengu li no mishí chekeu ye Aghungu Kimthe lono ke.

Luke 16:22

“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove.

Apostolmi 12:23

Zülile no, Ampeu’w kungumi lakhi no Herod hekuluqhive, eno pa ye apithe no tsaqhi pìthíve, kughengu pa no akishé Alhou tsümo ke.

Luke 2:9

Tile Ampeu’w kungumi lakhi panongu lau ipeghi, eno Ampeu juküvü no panongu homüxa yepüvüluve, eno panongu ye shishe akichiqhive.

Luke 2:13

Paikhavi lono kungumi aqokitikhi mqo kijè lakhi kungumi lakhiu gholo ipeghino Alhou sheqhe ghi pi,

MATTHEW 2:13

Alokütsümiqo no wuve kethiu, kungumi lakhi no asamou no Joseph lau ipeghi. Kungumi hu no pi, “Ithuvelo, angá eno pazá sasü Egypt lo pokajo luvelo. I no O vilo pimo ke kutólo tilau ngo aghílo, kughengu Herod ye anu pìthíve nike ghenguno pa phuju niye shi anie.”

Titus 3:7

tishianguno, paw küpükini vechewo ningu pelo achipikaluve pe no lajupu akeu gholo no lhokta küxü mheghi ighílu kemi shilu peniye ke.

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

IBRIMI 6:17

Kughengu Alhou ye paw kilimo keu lhoaye kimiji pesü tushoqhi püakeu mheghi ighilu akemi lau mütsümishei nike ghenguno paw tushokiqhi vechewo shikumto ke.

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

FILIPIAMI 2:25

Ikemu I no kümsüju kelo I thiküzüu, I gholo mülà küqha akeu eno Khristo tsakiviu qeu aküsàu Epaphroditus khuu nongu ghinikishiu ghí keno, nongu lau puwuve moayesa nani. Pa ye I no avehupu shi akelo tucho penike nongu no puwu keu hu ke.

2 Kor. 9:12

Nongu no akümlà hipau shi akeu ye Ampeu’w timiqo no avehupu shi akeu lo likhi tsüpuwu anike kumoe, ikemu panongu pelo ajeli kutomo lono Alhou lau alokivishi shikimthi tsü keu qochili ipeghilu pe anike.

Rommi 15:27

Panongu ye tishini keu lo amlokiqi shike, eno kuchou lo ye panongu ye kumlhomiqo kuphu moayesa kepu shi ake. Kughengu Jewmiqo no aghungu lo kükümgha pesü Jewkumomiqo lau küsaje aghí aye, Jewkumomiqo ghí panonguw ashi lo kükümghaqo pesü Jewmiqo lau küsaje keu ye àküzǘ ke.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 13:6

Hipau ghenguno nongu ye zame tsü cheni ke, kughengu ayekipemiqo ye Alhou qemiqo ke, eno panongu ye ado kümtsü pesü ayekipe ghenguno tsü cheni ke.

Apostolmi 13:2

Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Luke 1:23

Kughou pa kümlà kishekhave keno pa ye aki lo idewove.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

MATTHEW 13:41

Timi Nu no paw kungumiqo puwu nani, eno panongu no paw kükaphu lono alupi nhüve nani eno titoi axiné lo ilove pe chekeu jeli eno khunoqo no küsakügha shi cheni keno kümtsü nhüve nani.

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

IBRIMI 10:11

Atsala kipetsü achineu lakhi ye puthugho no achineye kümlàpuqo shi acheni; anguno-anguno pa ye aghakishi atho khikhi khilemu axinéqo ikhipe wuvelu chemo keno tipau pesü mülá acheni.

IBRIMI 8:6

Ikemu kuchou lo ye pichebekümlà Jisü no ithulu keu ye panongu lau pichetsü keu nguno akiqheu ke kughengu Jisü no puloshoqhi khipauw alakipiu shi ani keno tiye puloshoqhi aqau nguno akiqheu ke, kughengu puloshoqhi akitheu ye pikiqhi akiviuqo shou shiqhepuku pe püani ke.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

Galatiami 3:29

Nongu no Khristo laumi aye, nongu ye Abraham kughukoqo ke, eno Alhou no piqhipüa keu kiqi lono nongu ye amheghi ighílu nani.

Galatiami 3:9

Ikehu khunoqo aküpülü shou pükhü cheni keno panongu ye Abraham khuu aküpülü timi keno, pa gholo no kümghave tsüae.

Galatiami 3:7

Tishiaye, khunoqo no aküpülü ani keno panongu ye Abraham nuliqo kepi vethalulo.

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

Apostolmi 16:26

Zülile no ayeghi küghütha ighono paküta keu shi ighi püzü akughuki tsükucho kümtsü tuküghüthae. Ghuthukhavi no akughuki hukikhaqo khaqhi khave, eno akughumi tshüpe püakeu yikichhe kümtsü ikole iqi khave.

MATTHEW 4:11

Tipathiu tüghami ye Jisü qhive no wuve, eno kungumiqo no ighino pa tucho-hiju luve.

Mark 10:17

Jisü no aghüzüla lo wuve niye kutò kemtsa timi lakhi pa lau po ighino iqi pa gizülo qhoqhünheluve. Eno pa no ishi iniju, “Akükütsüu akiviu, lhokta küxü ithulu nikeu ghenguno ni ye kiu shi moayesa kea?”

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.