FILIPIAMI 2:3 - Sümi Tiqhelimi Bible

³ Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

BAIBEL (BSI)

³ Alikhi asuqhekeu momu qheza lakikeu pesu kiu kiumu shikevilo, ikemu aqhokigheu shipuzu kutamino onguno akiviu kepi kihilo.

Sumi Naga CL (Re-edited) Bible (BSI)

³ Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

FILIPIAMI 2:3 Referans Kwoze

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

Galatiami 5:26

Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!

Ephesiami 5:21

Khristo gihu akeu ghenguno lakhi no lakhi qhoqhü lo.

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

FILIPIAMI 2:14

Nhenheshimo momu kütsalamo no thowkha shilo,

Galatiami 5:15

Nongu no tüghashi toi lakhi no lakhi mikiqhi aye, nongu lakhi no lakhi kütsaqhive monimo keno jukuto alo.

1 Tim. 6:4

timi tipaqo ye alikhi apülü pivi chekemi eno kiumu vethalu chemoe. Panongu ye kütsala nikeu eno kiyi nikeu tsaqo lo amlo tsü keu vechewo anhekushu, kumgho keu, timi xishi keu, pülüküpüsa

Luke 18:14

“I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Kolosiami 3:8

Ikemu itehi ye nongu ghí nolikhi nongu lolo amlokighide, muqhumüza keu, axeküsü shikeu, pipütha keu, eno nongu kichí lono kuchube keu tsa ipeghi chekeu thime hipaqo kümtsü qhive moayesae.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

Rommi 13:13

Atsala küvü lo akemi toi ningu ghushoghili lo kithikiyi shini nolo. Ningu itho-igho eno shomzümoni, kipito xüküpsa eno ghüpoghüzü shimoni, kichighimo eno anhekushu shimoni nolo.

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.